Ministru Estadu Kordenador Asuntu Ekonómika Joaquim Amaral (foto: google)

Dili– Ministru Estadu Kordenador Asuntu Ekonómika Joaquim Amaral, iha nia aprezentasaun iha forum desiminasaun informasaun atinjimentu ekonómia, iha salaun enkontru konselu ministru Palasio Guvernu Kinta semana ne’e deklara sai ba públiku hateten, Desde tinan 2017 kresementu ekonomia nasaun monu ona minus 3.1 pursentu, mai iha tinan 2019 kresimentu ekonomia nasaun sa’e ba 2.1 pursentu, depois iha tinan 2020 ekonomia nasaun monu tun ba to’o menus 8 pursentu. Guvernu tenke foti medidas drástiku hodi lori Nasaun sai husi situasaun ekonomia difisil.

Situasaun ekonomia nasaun sai todan liu tan wainhira iha fulan marsu tinan 2020 Guvernu deklara ofisialmente ejistensia pandemia global covid-19 iha nasaun nebe fo implikasaun boot ba funsionamentu ekonomia nasaun. Ho sensibildiade husi Paralemntu Nasional Guvernu konsege hetan apoiu orsamentu ne’ebe jere ho naran fundu-Covid nebe fo kbiit ba Guvernu hodi jere situasaun sanitaria no fo kaman ba situasaun ekonomia nasaun. Fundu covid ne hamosu medidas hirak hanesan medidas kes-transfer osan atus 200 dolares Americano ba kada familia. medidas subsidiu ba eletrisidade, medidas subsídiu ba estudantes sira iha rai laran no iha estranjeirus.

Medidas hirak ne Guvernu aplika maibe situasaun pandemia global Covid-19 makaas liu tan alastra too iha Timor Leste obriga Guvernu tenke trasa fali medidas ida nebe planeadu integradu hodi bele lori nasaun sai husi situasaun ekonomia difisil liu husi komisaun independenti ida nebe halo estudu planu rekoperasaun ekonomika nebe Guvernu presiza opta nebe difini planu rekoperasaun ekonomia faze badak no faze emerjensia, faze médiu no faze longo prazu.

Planu rekoperasaun ekonomika faze badak no emerjensia difini medidas 4 maka; Medidas tulun familias agrikultures sira atu asesu ba aihan ka kuinesidu ho sesta bázika, alen de medidas 3 seluk ne’ebe tulun emprenza sira atu mantein existensia no evita despedimentu ka espulsu trabalhadores husi emprenza sira. Medidas ne’e mos atu tulun protesaun ba seitor informal sira nebe infrenta situasaun didisil. Medidas 4 ne kontribui ba Guvernu hodi bele ajuda komunidade iha situasaun difisil iha fulan Dezembru tinan 2020, no iha tempu duranti tinan 2021 laran tomak.

Hafoin kresementu negativu iha tinan 2020, liu husi medidas ekonómika nebe aplika, maka to’o iha final tinan 2021 nasaun kosege hasa’e kresementu ba 1.6 pursentu.

Ho medidas 4 ne’ebe guvernu aplika halo prezensa Estadu besik ba populasaun no ajuda populasaun no familia sira nebe infrenta difikuldade bele asesu ba aihan. Medidas hirak ne maka siguransa alimentar nebe foin ramata iha fulan Fevereiru 2022 ho alvu familia vulneravel rihun 102 benefisiarius. Alende medidas 4 ne’e, Guvernu mos aplika medidas 71 seluk ne’ebe atribui ba ministeriu sira nebe involve iha planu rekoperasaun ekonomia ho naran rekoperasaun no transformasaun ho orsamentu hamutuk milioins 120 dolares Americano.

Enkuantu impaktu husi medidas sesta bázika ne’ebe aplika maka, indikador iha tinan 2021 hatudu kosege hamoris kompainya foun  besik rihun 4 nebe barak liu opera iha seitor produtivu ka comérçio groso retalho. Iha mos kompanhia 58  nebe opera iha seitor agrikultura, indikador pozitivu seluk maka Guvernu mos rejista kompainya 8 nebe opera iha trade invest nebe hetan sertifikadu nasional no internasional ho asesu volume investimentu liu milioins 8 dolares Americano. [ag]