Suku ida iha España. (Foto: AFP/PIERRE-PHILIPPE MARCOU)
Jakarta, CNN Indonesia — Suku ida iha parte súl España troka ona sira-nia naran ba Ukrania husi Fuentes dé Andalucia. Naran ne’e halo mudansa nudar forma Solidaridade ho Ukrania ne’ebé hasoru invazaun Rúsia nian.
Nune’e mós, estrada sira husi suku Ukrania muda naran ba Kyiv, Odessa no Mariupol.
Francisco Martinez hatete: “Ami nia objetivu prinsipál laos de’it atu hasa’e koñesimentu kona-ba konflitu iha rai Ukrania, maibé mós ba nasaun sira ne’ebé agora funu hela daudaun.”
Martinez subliña katak mudansa ida-ne’e laos limita de’it atu muda naran suku nian. Iha loron rua nia laran, populasaun iha aldeia mós hetan osan euro 3,500 ($3,500) atu harii Sentru refujiadu.
Aleinde ne’e, Martinez dehan katak planu suku ne’e nian atu fó uma ba refujiadu na’in 25.
Iha aldeia seluk tan, naran Rafael Osuna, hatete nia sei fo permisaun atu feen-laen husi Ukrania atu hela iha ninia uma.
“Sidadaun Fuentes sente orgullu tebes ho buat ne’ebé ami halo. Hodi hanoin katak ha’u hela mesak no iha uma ne’ebé boot, ha’u hanoin atu husik feen-laen ida husi Ukrania ba tempu uitoan atu evakua. ”
Konflitu armadu ida-ne’e desloka ema millaun 10. Númeru ne’e to’o besik porsentu 25 husi populasaun iha rai-ukrania.
Filippo Grandi Komissáriu ONU ba refujiadus hatete: “funu iha rai-Ukrania estraga tebes ema nain-10.000.000 ne’ebé halai-sai husi uma ka refujiadu iha rai-li’ur.” [mf]