‘Husik imi nia liafuan sempre nakonu ho domin.’ Kolose 4: 6

lider kristaun Xineza Watchman Nee, uza kapítulu ida iha ninia livru ema Kristaun nia knaar baibain atu haree didi’ak saida mak ita hatete no oinsa maki ta koalia. Tanba serbisu-nain kristaun barak haka’as an atu la ko’alia arbiru de’it, ida-ne’e lori rezultadu di’ak. Ida ne’e sai nu’udar instrumentu ne’ebé iha kbiit boot iha Na’i nia serbisu, sira-nia serbisu haklaken ladún fó impaktu ba sira tanba sira sempre uza sira-nia kbiit liu husi sira-nia liafuan ne’ebe arbiru deit.

Paulo hakerek: ‘Husik imi nia liafuan sempre nakonu ho domin.’ Tan ne’e mak bainhira ita ko’alia, koko koalia liafuan midar. No ita-nia oin no lian bele determina se ema seluk bele simu ita ou hirus ba buat ne’ebe ita ko’alia. The Living Bible tradus Paulo nia liafuan hanesan ne’e: ‘Mai ita ko’alia ho laran-di’ak no matenek, tanba depois ne’e, ita sei hetan resposta ne’ebé loos ba ema hotu. Dala ida tan, Paulo hakerek: ‘Keta iha liafuan aat sai husi imi nian ibun, maibe uza liafuan ne’ebe diak hodi bele hadia iha ne’ebe presija, atu nune’e ema ne’ebe rona bele hetan grasa. (Efeso 4: 29)

Tan ne’e, antes ita ko’alia, husu ba ita-nia an: agora ha’u iha hanoin ne’ebé loos? No keta para atu husu pergunta ne’e. Husu ba ita-nia an: ha’u sei sente di’ak ka ema seluk sente oinsá kona-ba ha’u-nia liafuan atu ajuda ka hakanek, halo ha’u sente kmaan ka lae? Tanba David hatete beibeik buat ne’ebé sala, nia halo orasaun hodi dehan: ‘Tau seguransa ida ba hau nia ibun oh Nai, kuidadu hau nia ibun tutun! Labele husik hau nia fuan kaan buat ida ne’ebe aat, hodi halao hahalok aat, hamutuk ho ema ne’ebe halo aat, no labele husik hau koko sira nia hahan gostu. Salmo 141: 3 – 4)

La to’o atu hetan matenek iha ita-nia moris; atu hetan susesu, ita tenke ko’alia ho matenek.

Aihan Espiritual: Dan 11 – 12, Marcos 3: 7 – 19, Sal 16, PR 10: 15.