Tamba ita hotu tenki hasoru justisa Kristu nian tur fatin.’ 2 korinto 5: 10

Paulo hakerek: ‘Tanba ne’e mos ami esforsu, diak ba ami nonok iha isin laran, nune’e mos ami nonok iha liur, atu nune’e ami halo haksolok ba Nia. Tamba ita hotu tenki hasoru justisa Kristu nian tur fatin, atu ema idak-idak simu ba saida mak nia direitu bele simu, tuir saida mak nia halo iha nia moris ne’e, diak no mos aat.’ (2 Kor 5: 9-10) Se ita mak matenek, ita sei moris loron-loron ho lia-loos ne’e iha ita-nia neon. Ita sei iha ‘perpektiva preparasaun nian’!

Hanoin to’ok kona-ba ida-ne’e: Ita-boot laos hadeer-mate de’it iha dadeer ida no dehan, ha’u deside ona atu sai advogadu, doutór ka kontador (akuntan); lae, ita halo desizaun ba kareira ne’e tinan barak antes ne’e, hafoin ita-boot servisu ba. Agora mai ita ko’alia klaru. Nu’udar ema kristaun, ita la servisu makas atu hetan salvasaun, maibé ita-nia kolen iha lalehan.

Ita-nia salvasaun mak fondasi ne’ebé metin, no Bíblia hatete: ‘Tanba laiha ema ida mak harii iha baze seluk fali baze ne’ebe halo tiha ona, ne’e mak Jesus Kristu. (1 kor 3: 11) Tuirmai, Paulo hatutan tan: ‘Maski ema ne’e harii iha baze ne’e ho osan-mean, osan-mutin ka fatuk murak ai duut maran ka hare-kain, ema ida-idak nian servisu no sei koko ema sira ho ahi ne’e. Se nia konstrusaun mak aguenta koko ho ahi ida ne’e nia sei simu nia kolen. Se nia servisu ne’e rahun, nia sei terus saugati deit, maibe nia rasik sei salva, maibe hanesan husi  husi ahi laran. (1 kor 3: 12 – 15)

Kuandu ita hamriik iha Kristu nia oin, ita sei hetan bénsaun no arrepende an. Tan ne’e, prepara didi’ak ba.

Aihan Espiritual: Tiago 1-2, Marcos 3: 20 – 35, Sal 7: 1 – 9, PR 10: 16.