‘Buat sira ne’ebe segredu mak Nai, ita nia Maromak nian, maibe buat ne’ebe fo sai mak ita nian.’ Deuteronomio 29: 29

Kuandu imi la komprende buat ne’ebé akontese iha imi-nia moris, hahú ho buat ne’ebé imi hatene loloos; katak Maromak mak di’ak iha tempu hotu, no ‘Nia hadomi sira ne’ebé respeitu Nia ba nafatin. Nia nunka muda’. (Salmo 103: 17) Nia la fó bénsaun ba ita loron ida no fó-malisan ba ita tuir mai: ‘Tanba Nau nia laran diak, nune’e ami la lakon hotu, Ninia laran luak nunka para; buat sira ne’e sai foun dadeer-dadeer; O nia fidelidade mak boot.’ (Lamentasaun 3: 22 – 23) maibé, Maromak hili buat ruma atu fó-hatene mai ita, no Nia “la halo buat ida-ne’ebé segredu” ba ita-nia di’ak.

Hakerek-na’in Beth Jones hatete: ‘Se Maromak rai segredu husi ita, ne’e atu ita bele hetan buat di’ak bai ta nia aan rasik no mos diak ba ema seluk… Por ezemplu, Nia la lao hale’u hodi du’un ema ruma ka fó-hatene ema seluk kona-ba ita-nia sala, ita nia fraku, la fiar an, hanoin an de’it, ka foti-an ba ema seluk. Bainhira buat ruma akontese, Maromak hatene tansá… Segredu mak Na’i nian. No kuandu Nia fó sai buat ruma ba ita, ne’e tanba nia hakarak ita atu la’o tuir lia-loos ne’e ho fiar. Por ezemplu, Nia fó sai Ninia karakter no Ninia hakarak iha ninia liafuan… atu nune’e ita bele fiar katak Nia mak di’ak, justu, laran-di’ak, laran-luak, laran-metin, pasiénsia, no iha Nia salvasaun, iha kura, rendesaun, restaurasaun, halo Santu, no haraik bénsaun ba negósiu. Buat ne’ebé hatudu sai mak ita-nian. Bainhira ita la hatene tanbasa… iha-ne’e saida mak ita hatene loloos. Maromak nia liafuan ne’e mak loos liu duke ita-nia situasaun ka esperiénsia… no tanba de’it tanba Nia hatene buat hotu kona-ba ita la signifika katak Nia fo hatene ita kona-ba buat hotu-hotu. Ita mós hatene katak kuandu ita hare buat ruma parese aat, Maromak sei di’ak nafatin. Nia mak fo dor, laos simu dor… abensoador, laos malisan-dor… no buat ne’ebé akontese ka la akontese, iha loron ne’e nia rohan – ita sei manán! ”

Aihan Espiritual: Tiago 3 – 5, Marcos 4: 1 – 12, Sal 7: 10 – 17, PR 10: 17 – 18.