‘Ha’u sei hametin ó no ajuda ó.’ Isaias 41: 10

Ita ba semináriu no konferénsia atu buka ai-moruk ne’ebé la fo reasaun moras, ne’ebé bele hadia ita nia moris. Ita koko dieta, komesa hala’o programa ezersísiu no ita-nia entuziazmu komesa makaas durante semana rua. Depois, de ida ne’e ita fila fali ba dalan ne’ebé hanesan. Ita la muda buat ida. Ita komesa lee livru atu tulun-an rasik, maibé problema mak livru sira ne’ebe ita le’e sira fó-hatene ita saida mak atu halo maibé labele fó kbiit bai ta atu halo dunik buat hirak ne’e. Bíblia hatete: “Hadook tiha imi-nia toman hotu ne’ebé aat. Pozitivu; keta hanoin negative hela deit. ” Maibé oinsá? Iha ne’ebe mak ita hetan kbiit atu troka ita-nia hahalok?

Liafuan Gregu dunamis, signifika “kbiit” mosu dala 120 iha testamentu foun. Ita bele lee kona-ba akontesimentu boot liu hotu ne’ebé akontese iha tempu ne’ebá, katak Jesus Kristu nia moris-hias husi mate. No moris-hias ne’e iha kbiit atu troka ita-nia moris ohin loron. Buat ne’ebé importante liu iha ita-nia moris mak hatene Kristu no haree ninia moris-hias iha kbiit.

Paulo hakerek: ‘Ha’u hakarak ne’e konhese Nia no Nia kbiit moris hias nian.’ (Filipe 3:10) Nia hakerek tan: “Ha’u halo orasaun atu ita bele komprende didi’ak Ninia kbiit atu ajuda ema ne’ebé tau fiar ba Nia.” Ida-ne’e hanesan kbiit boot ne’ebé fó moris-hias ba Kristu husi mate. (Efeso 1: 19 – 20)

Ita bele komprende liafuan Gregu dunamis iha dalan rua:

(1) ‘dinamite’, forsa ne’ebé mak esplora

(2) dinámo “nakfila an”, ne’e mak kbiit ne’ebé iha nafatin.

No iha Kristu, ita iha rua ne’e hotu. Liu husi nia mak ó bele halo tohar korrente ne’ebé kesi ó no limite ne’ebé hanetik ó, no la’o ho didi’ak iha ninia kbiit ohin loron.

Aihan Espiritual: Num 1 – 2, Marcos 4: 13 – 25, Sal 144: 1 – 8, PR. 10: 19 – 21.