‘Ba O deit mak hau halo sala kontra ona, no halo ona buat ne’ebe aat.’ Salmo 51: 4

Ita presiza haree didi’ak ba sala, no komprende didi’ak kona-ba ne’e, tan ne’e ita presiza hasees an husi hahalok sala no morál ne’ebé sala. No dalan ida de’it atu haree ho momoos mak liuhusi ida-ne’ebé ita halo ona sala. David halo orasaun, hodi dehan: ó de’it mak ha’u halo sala kontra ona.

Matenek-na’in ida-ne’ebé estuda nu’udar Koléjiu kristaun hatete hanesan ne’e: Ha’u di’ak ba ha’u-nia estudante sira; hatudu respeitu ba ha’u-nia kolega sira; hadomi ha’u-nia família; la na’ok, la halo sala-fo’er, la uza droga, no tolok. Maibé kuandu ha’u hateke didi’ak ba ha’u-nia an ho laran-moos, ha’u haree katak ha’u sente laran-moras, soe ha’u-nia tempu, no odio ema seluk mak book ha’u. Ha’u saugati de’it no ha’u han mohu tiha buat ne’ebé ema seluk haree. Ha’u luta hasoru ha’u-nia hahalok seksuál no la’o sala dalan ho ha’u-nia matan no ha’u-nia laran. Ha’u finje rona, maibé ha’u la rona. Ha’u hanoin liu atu sai ema makaas liu duke sai ema ne’ebé di’ak. Ha’u halo hau nia aan spiritual liu fali ha’u nia an ida lolos. Ha’u mak sabraut no aat iha parte hot-hotu. No ha’u-nia esperansa de’it mak Maromak nia laran-sadia.

Bainhira Isaias haree Na’i tuur hela iha Ninia Kadunan, nia hakilar dehan: susar mai ha’u, tanba ha’u la iha matenek! ‘Tuirmai, anju ida foti ahi-an husi altár no kona ninia ibun, hodi dehan: ó-nia hahalok-aat sei lakon tiha, no ó-nia sala sai moos ona.’ (Isaias 6: 7)

Sala bele dudu ita ho maus no sala mos bele iha forsa makas hanesan anin ne’ebe dudu ita monu. Buat ne’ebé importante mak oinsa mak ita hatán. Maski dala barak ita monu ona ka ita la halo sala ruma, maibé ohin loron Maromak fó fali ba ita ninia grasa, no fó oportunidade ba ita atu komesa fali se ita hakarak simu ida-ne’e.

Aihan Espiritual. 3: 1 – 4: 33, Marcos 4: 26 – 41, Sal 144: 9 – 15, PR. 10: 22 – 23.