Primeiru-Ministru Sri Lanka, Mahinda Rajapaksa, Segunda-feira (05/09) oficialmente rejigna-aan husi kargu (foto: doc).
Sri Lanka – Sri lanka nia Primeiru Ministru Mahinda Rajapaksa rezigna-an iha Segunda-feira (9/5) hafoin demonstrasaun sira-ne’e ezije atu nia ho nia maun Prezidente Gotabaya Rajapaksa, rezigna-an tanba dada nasaun ba krize ekonomia ida-ne’ebé aat liu iha dékada barak nia laran.
Hafoin simu tiha pedidu rezignasaun husi Prezidente Gotabaya Rajapaksa. iha momentu ne’ebá, apoiante Governu sira halo atake violentu hasoru manifestante sira e’ebé obriga nia atu haruka forsa Armada ba iha kapitál Colombo. Laiha deklarasaun imediatu hosi Gabinete Prezidente Repúblika.
Durante fulan ida resin demonstrasaun sira habelar iha nasaun laran tomak no atrai sidadaun étniku oin-oin, relijiaun no klase oioin. Ba dahuluk Sri Lanka nia klase médiu mós lori ba estrada sira númeru boot ne’ebé marka opozisaun dramatiku husi eis apoiante barak ne’ebé hetan Sasatan durante semana balu hala’o demonstrasaun iha edifísiu Prezidente nia li’ur.
Demonstrasaun sira-ne’e foka ba kálkulu polítika sira tuir Governu ne’ebé hasoru votu la-konfiansa iha Parlamentu nasionál. No hamenus apoio ba familia Rajapaksa, sira ne’ebé forte liu dinastia polítika durante tinan barak nia laran. Maun-alin na’in rua – Mahinda no Gotabaya, uluk hetan gava tanba sai eroi husi maioria cingalesa-budista iha illa ne’eba tanba hapara funu sivíl durante tinan 30. Maski maun-alin nain-rua ne’e hetan akuzasaun kona-ba hahalok-aat oioin iha funu laran, maibé to’o agora sira iha parte leten iha nasaun Sri Lanka.
Krize ekonomia ne’ebé aat liu
Rezignasaun Primeiru Ministru Mahinda Rajapaksa akontese tanba nasaun nia ekonomia ne’ebé sei ki’ik no susar atu hasoru sidadaun sira. Importasaun ba produtu kuaze hotu ona, hahu husi susu-been to’o mina ne’ebe menus no eletrisidade ne’ebe mate hela deit. Ema barak tenki forma atu hola nesesidade bázika. Doutór sira mós fó avizu kona-ba falta ai-moruk no Governu suspende ona pagamentu osan dolar amerikanu millaun hitu ba deve Estranjeiru ne’ebe tinan ida-ne’e tenki selu.
Prezidente GotabayRajapaksa inisialmente fo sala fator global ba Sri Lanka nia difikuldade ekonomia, hanesan surtu ne’ebé estraga Indústria turizmu no konflitu ho Rúsia-Ukrania ne’ebé hamosu presu mina globál ne’ebé sa’e makas no susar atu troka fila fali asoens kombustivel. Maibé ikus mai nia ho nia alin Primeiru Ministru Mahinda, rekoñese sala ne’ebé sira halo no halo aat liutan krize ekonomia inklui admite katak sira lalais liu atu buka kausaun husi Fundu Monetáriu Internasionál (IMF).
Sri Lanka ko’alia ona ho FMI atu implementa planu salva ema nian. Maibé ninia progresu depende ba reestruturasaun dívida nian ho empréstimu sira. Kada planu ba tempu naruk sei lori mínimu fulan neen atu ezekuta. [mf]
https://www.voaindonesia.com/a/krisis-ekonomi-terburuk-pm-sri-lanka-mundur/6564376.html