‘Ha’u sei perdua sira-nia sala no sei kura sira-nia rai.’ 2 krónika 7: 14

Winston Churchil sempre repete liafuan famozu ne’ebé dehan, ‘Sira ne’ebé falha aprende husi istória nia destinu ona atu repete fali.’ Haree ba sosiedade ohin loron nia kondisaun sira ne’ebé molok krize ne’e monu iha sosiedade barak nia leet. Ita husu, ami-nia nasaun bele hetan salvasaun ga lae? Loos duni Maromak hatete ba Abraao katak se nia bele hetan ema laran-loos nain-sanulu iha sidade, nia sei salva Sodoma no Gomorra husi tesi-lia. No minoridade ne’ebé loos sei bele salva ita-nia nasaun. Oinsa? Liu husi orasaun!

Maromak hatete: ‘No ha’u-nia povu ne’ebé bolu ha’u-nia naran, haraik-an no halo orasaun hodi buka ha’u-nia oin no fila kotuk ba sira-nia hahalok-aat, tuirmai ha’u sei rona husi lalehan no ha’u sei perdua sira-nia sala no sei kura sira-nia rai.’ Haree kondisaun importante haat ne’ebé temi iha eskritura ne’e

(1) ‘No ha’u-nia povu ne’ebe bolu Ha’u-nia naran.’ Ita nia nasaun nia Futuru laos iha Banku sira-nia liman, ou porta-voz TV, ka polítiku sira, ida ne’e deskansa iha Maromak nia povu nia liman ne’ebé salva ona.

(2) ‘Haraik-an, halo orasaun no buka Ha’u-nia oin.’ Maromak, ne’ebé la presiza ema ida atu hetan autorizasaun ka aprovasaun atu halo buat ne’ebé nia promete atu la’o ba oin kuandu ninia povu fila ba Nia no husu nia oin liu husi orasaun.

(3) ‘Fila kotuk ba hahalok ne’ebe aat.’ Duke mur-mura kona-ba buat ne’ebé la loos iha povu, Maromak haruka Ninia povu atu hare didiak sira-nia laran atu haree buat ne’ebé sala no atu hadia. No bainhira sira halo tuir buat ne’ebé nia promete atu halo,

(4) ‘Hau sei rona husi lalehan no ku no perdua sira nia sala i kura sira-nia rai.’ Tuir loloos, konformi ita, laos sira! Seidauk tarde. Ita-nia nasaun sei bele fila fali ba loos bainhira ita halo orasaun no buka Maromak ho ita-nia laran tomak.

Aihan Espiritual: Jonas 1-4, Mrk 8: 27-38, Salmo 62, Prov 11: 15