‘Ba Nia mak, bele halo buat hotu liu fali ita nian orasaun ka hanoin.’ Efezu 3: 20

Kuandu ita haree ai-hun boot ida, fó-hanoin ita-nia an katak ai-hun ne’e komesa nu’udar fini ki’ik. Buat ne’ebé ita tenke fó ohin loron karik ita haree ki’ik de’it, maibé kuandu Maromak haraik bénsaun ba ida-ne’e, ida-ne’e bele sai boot.

Iha tinan 1912, Dr Russell Conwell, Pastor husi Igreja Grace Baptista, iha Philadelphia, EUA, konta istória husi estudante eskola dominikal ida naran Hattie May Wiatt,. Tanba Conwell mak fó-hatene ona Hattie May Wiatt, katak nia hakarak harii uma boot para ema hotu bele tur iha laran. Bainhira Hattie moras no mate, Hattie nia inan husu Conwell atu halo kultu funerál. Labarik-feto ne’e nia inan dehan ba nia, Hattie karik rai hela nia osan hodi ajuda harii Igreja boot ida. Hattie durante ne’e nia rai osan ne’ebe nia hetan husi ami oituan-oituan hamutuk ona US $57 sentavu. No husi osan ida ne’e sira uza mos hodi hola uma ida halo ba igreja.

Inspiradu husi Hattie nia istória, no husi sentavus 57 ikusmai harii Igreja Baptista, Universidade no ema samaria nia ospitál. Karik ita hanoin ita-nia prezente, ita nia tempu, no ita nia esforsu ne’e kiik liu atu halo diferensa. Maibé bainhira ita fó buat sira-ne’e hotu ba Maromak no husu Nia atu haraik bénsaun ba sira, ita hatene katak nia mak Matemátika ne’ebé boot no mós ba ema barak. Nia bele foti ó-nia liafuan sira no ó-nia rikusoin no halo sira sai barak liu fali buat ne’ebé ó bele imajina. ‘Ba Nia mak, bele halo buat hotu liu fali ita nian orasaun ka hanoin.’ (Efezu 3: 20)

Aihan Espiritual: Ebreu 11: 17-13: 25, Mrk 10: 1: 1-12, Salmo 88: 1-9a, Proverbios 11: 24-26