‘O foo ona moris no laran diak mai hau, no O mai no tau matan ba hau nia espiritu.’ Job 10: 12

Laiha aimoruk ba kanek passadu nian. Bainhira ita dejezu forte ba buat ruma ne’ebe, ida ne’e bele hamos ita nia terus iha tempu passadu hodi ita bele hetan fali enerjia no objetivu foun. Bainhira ita husu feto sira ne’ebe partus, sira sei dehan ne’e moras makas loos, maibe bainhira sira luta hodi bebe moris tiha, moras ne’e sei lakon tanba sira hare sira nia bebe ne’ebe sira kous iha liman.

Karik ita sente triste tanba ita la hatene kona-ba futuru, ka kona-ba terus ne’ebé sei kona ita. Karik ita koko ona atu rasionaliza ida-ne’e hodi fó-hatene ita nia an katak ‘bainhira ha’u la preokupa, ida-ne’e sei la hakanek hau.’ Ta’uk atu hetan kanek dala ida tan hanesan iha passadu karik. Hanesan labarik ne’ebe ahi han nia isin no tauk atu kona tan ahi-lakan. Maibé imi labele moris ho ta’uk.

Job lakon ninia rikusoin no ninia oan sira iha loron ida de’it. Oinsá mak nia konsege halo ida-ne’e? Nia hateten, ‘O mai no tau matan ba hau nia espiritu.’ Maromak seidauk remata ho ita. Nia sei vizita tan ita. Job nia istoria remata ho liafuan ne’e: ‘Maromak fo ba Job dala rua husi riku-soin hotu ne’ebe uluk nia iha.’ (Job 42: 10) no Maromak bele halo hanesan ne’e mos bai ta.

Haksolok ba – Nia iha futuru ne’ebé di’ak liu ba imi. ‘Se ita prepara ita nia fuan laran, ita sei lolo ita nia liman ba Nia. Se ita nia liman iha sala, entaun hadook an husi sala ne’e, no keta hahalok ne’ebe la justu hela iha ita nia tenda laran. Depois ita bele foti sae ita nia oin ne’ebe laiha buat aat, nune’e it abele hamrik metin no la tauk. Tanba ita sei haluha tempu susar, no hanoin tempu ne’e hanesan bee ne’ebe sulin liu ona.’ (Job 11: 13-16)

Aihan Espiritual: 1 Reis 1-2, Mrk 10: 13-22, Salmo 88: 9b-18, Pro 11: 27-29.