‘No sira rekonhese katak ema nain rua ne’e uluk hamutuk ho Jesus.’ Apostolu 4: 13

sai nudar ‘iha inflluensia nia okos’ signifika kontrola husi buat ruma ka ema seluk duke ita-nia an rasik. Se mak ita, ita saida, iha ne’ebe mak ita iha, agora, ida ne’e tanba ita iha ema loos sira nia influénsia. Empreza ka fatin ne’ebe ita hela ba ne’e influensia ita nia hanoin. Ita nia asaun influénsia ita nia karakter; no karakter determina ita nia moris. Influénsia ne’e imposivel atu lakon. Ne’e hanesan klima ne’ebe sempre iha atu ita hasoru.

Tan ne’e mak importante atu monitoriza ita-nia oan sira-nia utilizasaun telemovel no internét. buat ne’ebé sira haree iha televizaun. No iha kompañia ne’ebé sira gosta tanba buat sira-ne’e bele influénsia sira ba buat di’ak ka aat.

No se ita mak matenek dunik, ita sei uza tempu ho didi’ak hodi hanorin kona ba Jesus. Ita sei lee Ninia liafuan no uza tempu ho Nia iha orasaun. Tuir loloos, tempu ne’ebé imi uza liu hamutuk ho Nia, imi sei sai hanesan Nia. Kuandu dixipulu sira sai nakonu ho espíritu Santu iha loron pentekosta, sira nakfila an hodi tuir ema balu nia hanoin katak sira lanu. Maibé Pedro dehan. ‘Tanba ema sira ne’e lanu, hanesan imi nia hanoin, tanba oras ne’e tuku sia dader. Maibe ida ne’e mak buat ne’ebe koalia ona liu husi profeta Joel: iha tempu ikus, ida ne’e sei akontese, dehan Maromak, Hau sei fakar Hau nia espiritu ba ema hotu, no imi nia oan mane sira no imi nia oan feto sira sei profesia, no imi nia jovem mane sira sei haree vizaun, no imi nia katuas  sira sei hetan mehi.’(Apostolu 2: 15 – 17).

Iha kapítulu rua tui rmai, ita lee ida ne’e: ‘Bainhira sira haree Pedro no João ne’e brani, no hatene katak sira nain rua mak ema ne’ebe la ba eskola no ema baibain, sira admira. No sira rekonhese katak ema nain rua ne’e uluk hamutuk ho Jesus. (Apostulo 4: 13)

No ohin loron, Espíritu Santu mak influensia Jesus nian ne’ebe bele troka ita-nia moris.

Aihan Espiritual: 1 Reis 10–11, Marcos 11:12–26, Sl 45, Pr 12:7–9