‘No bainhira iha imi nia orasaun, imi keta koalia barak hanesan ema lakonhese Maromak; sira hanoin katak ho sira nia nian liafuan barak Nai sei hatan sira nian orasaun.’ Mateus 6: 7

Tanba ita-nia Aman hatene saida mak ita presiza antes ita husu ba Nia, Jesus dehan, ‘No bainhira iha imi nia orasaun, imi keta koalia barak hanesan ema lakonhese Maromak; sira hanoin katak ho sira nia nian liafuan barak Nai sei hatan sira nian orasaun. Tanba ne’e imi keta hanesan sira, tanba imi nia aman hatene saida mak ita presiza molok imi  husu ba Nia.’ Nia konvida ita atu hetan promesa ida husi Bíblia ne’ebé korresponde tuir ita-nia presiza no hamriik firme ba ida ne’e.

Charles Swindoll, ne’ebé lori ninia tempu atu halo orasaun hakerek: ‘Dala ruma hau koalia ba Maromak ho makaas. Dalaruma hau kanta ba Nia. Dala ruma ha’u sei halo orasaun tomak iha ha’u-nia neon. Kuandu ha’u halo orasaun, ha’u haree katak Maromak mak importante liu fali buat ne’ebé susar ba ha’u. Ha’u livre husi laran-susar. Ha’u bele livre husi buat hotu kona-ba ha’u atu nune’e ha’u bele mout iha ninian prezensa. Bainhira ha’u to’o mai, ha’u kontente atu halo tuir Maromak nia hakarak. Ha’u sente fresku, kmaan no prontu. Ha’u-nia neon fokus ona. Ha’u-nia fuan prontu ona. Hau nia emosaun klaru no saida mak atu mai atrapalha hau hodi halo ida ne’e la dada hau nia atensaun ona. Orasaun halo possivel buat hirak ne’e. Agora ha’u hakarak dehan katak ha’u sempre ko’alia ho lian neineik loroloron iha orasaun. Maibé ha’u haluha beibeik hanesan ema barak. Ha’u-nia hanoin halai  husi problema ida ba problema seluk duke hau halo orasaun, no hau la avansa. Dala ruma ha’u preokupa barak liu to’o hau la hanoin katak hau tenki para hanoin barak no komesa halo orasaun.’

Orasaun: halo simples deit maibe tenki bebeik.

Aihan Espiritual: 1 Reis 14–15, Marcos 12:1–12, Sl 101, Pr 12:12–13