Prezidente Repúblika Demokrátika Timor Leste DR.Jose Ramos Horta.
Dili— Prezidente Repúblika Demokrátika Timor Leste DR.Jose Ramos Horta, iha okaziaun espozisaun selebrasaun loron Uniaun Europeia iha resinto espozisaun komplexu supermerkadu Timor Plaza Sesta semana ne’e ba jornalista sira hateten, mudansa klimátika nebe akontese iha mundu fo konsekuensia bo’ot ba Timor Leste no mundu tomak no harahun meiu ambiente natural, akontese tanba nasaun riku sira iha tinan atus hirak nia laran hahú revolusaun industrial maka provoka mudansas klimátikas no harahun meiu ambiente iha mundu tomak. Tanba ne nasaun riku sira maka tenke responsabiliza meiu amibinte iha mundu tomak, no tenke fo apoiu osan ba Timor Leste no nasaun sira seluk hodi halo mitigasaun kuda ai barak hodi hamosu meiu ambiente natural matak no saudavel ba mundu tomak.
Prezidente Horta hateten, prosesu mitigasaun meiu ambiente iha Timor Leste no mundu tomak la sufisiente tanba problema ho produsaun industrial, eletrifikasaun nebe konsume makaas mina ho karbaun no anar, no difisil tebes atu hala mudansa husi pulítika industria atual ba enerjia foun limpa ka mós, presiza tempu tinan 30 ba leten foin bele halo mudansa klimátika hatun co-2 emisaun sira nebe kauza husi fábrika, viaturas kareta, ro-ahi tasi, aviaun sira nebe fakar foer ba rai tasi no lalehan. [ag]