‘Maibe Maromak sempre kumpri buat ne’ebe mak Nia hatete tiha ona. Nia sei fo forsa ba imi, i kuidadu imi husi buat aat.’ 2 Tesalonika 3: 3

Ita-nia preokupasaun barak mak bele summediza iha liafuan rua: ‘Oinsa sekarik?

Saida mak bele akontese se hau nia teste mediku rezultadu aat,. Oinsa se hau nia ekonomia tun. Oinsa se hau ho hau nia parseiru soe malu, oinsa se hau lakon hau nia servisu… lista ne’ebe naruk loos. ‘Tauk hamosu kastigu’ (1 João 4: 18), no ita fokus liu ba ita nia preokupasaun no la hare ba Maromak nian fidelidade, hanesan ne’e ita husik diabu mak kastigu ita. Jesus fo hatene ba ita atu labele tauk no laran susar. (João 14: 27) Apóstolu Paulo nia liafuan ne’ebé dehan, ‘No labele fo fatin ba diabu.’ (Efezu 4: 27)

No Salomão hakerek: ‘Loron hotu mak aat ba ema ne’ebe iha moris susar, maibe nia ne’ebe iha laran ksolok sempre iha festa hela deit.’ (Proverbius 15: 15) sei ita tauk ba saida maki ha ita nia oin, entaun para oituan no hateke ba Maromak nia fidelidade. ‘Nai Maromak ne’ebe bolu ona imi sai nia ema, sei halo imi hamriik iha Nia oin ho laran moos, tanba Nia sempre halo tuir Nia promessa.’ (I Tesalonika 5: 24) Entaun se ita hasoru preokupasaun, Biblia iha ninian promessa   ba ita atu ita kaer metin. ‘Hahi ba Nai ne’ebe fo fatin deskansa ba Ninia povu Israel tuir buat hotu ne’ebe Nia promote tiha ona; laiha liafuan ida ne’ebe falta  husi Ninia promesa hotu ne’ebe diak ne’ebe Nia promote ona liu husi Moises, Nia atan.’ (I Liurai 8: 56)

Imi dehan: ‘Maibe ha’u halo Maromak nia fuan triste ona. Nia sei bele ajuda nafatin hau ga lae?’ Sin, ‘Tanba maske ita la fiel, nia nafatin laran-metin. (2 Timoteo 2: 13) Molok Nia salva imi, Nia hatene kona-ba imi-nia sala hotu ne’ebé imi halo, imi nia limitasaun, imi nia frakeza. Maske nune’e, nia dehan:’ Nia sei fo forsa ba imi, i kuidadu imi husi buat aat.  Tan ne’e mak ohin loron, Labele preokupa, Maromak ne’e fiel.

Aihan Espiritual: 1 Liurai 21–22, Marcos 13:1–11, Sl 82, Pr 12:18–19