‘Iha dader-saan hau sei buka O.’ Salmo 63: 1

Momentu Primeiru iha ita-nia loron mak saida? Seraque ita buka ita nia telemovel, ka halai lalais ba haris-fatin ka ita okupadu ho lista sira ne’ebe ita halo ona no tenki halo ida ne’e? Lolos ita husi ita nia hakmatek hodi Maromak koalia ho ita. Nia sei fó ideia ne’ebé klaru ba ó no ó-nia laran hodi troka ó-nia hanoin no hatene katak Nia sei hamutuk ho ó ohin loron.

Hakerek-na’in ida naran Colleen Townsens hakerek liafuan id: ‘Nonok la presija tauk ka moe ho ida ne’e, tanba hamutuk ho ema ne’ebe ita hadomi sem liafuan ida, ida ne’e forma komunikasaun ne’ebe furak no satisfas. Ha’u sei hanoin-hetan tempu ne’ebé ami-nia oan sira sempre halai mai hasoru ha’u, no sira sempre sira mai hodi mur-mura ka konta sira nia loron ohin. Furak teb-tebes iha oan sira ne’ebe hakarak mai konta sira nia susar, fahe sira nia sentimentu ho hau. Maibé iha mós tempu ne’ebé sira mai hasoru ha’u, sira hakarak de’it atu ha’u hakuak, para hau bele hamaus sira to’o dukur. No dala ruma, hanesan ne’e mos ita ho Aman Maromak. Dala ruma, ita-nia orasaun ne’ebé iha kbiit boot mak husi hanoin laos liafuan. Ita nia liafuan limitadu husi ita-nia vocabulariu. Maibé ita-nia hanoin moris mak kapasidade infinite nian ne’ebé Maromak bele fó ba ó buat ne’ebé troka ó-nia moris.

Paulo hakerek, ‘Maibe ita iha Kristu nia hanoin.’ (1 korinto 2: 16) tan ne’e, hakmatek ba husik Nia hanoin liu husi ita. João hakerek ‘Maibe imi simu ona unsaun husi ida ne’ebe santu, no imi hatene buat hotu.’ (1 João 2: 20) Maromak Nia bele kauza ita atu hatene saida mak ita presiza halo hafoin fó ba nia momentu primeiru iha ita-nia loron.

Aihan Espiritual: Apok 15-18, Mrk, 14: 12-26, Salmo 124, Prov 12: 26