Isac Menezes, Coordenador Jurídico Gabinete Ministeriu Finansas.
Dili–Ministeriu Finansas kinta semana ne’e konvoka konferensia sesaun trabalho integrada involve instituisaun Estadu sira hanesan Komisaun anti korrupsaun, Komisaun Funsaun Públika, Provedoria Direitus Umanus Justisa, Istitutu Jestaun Ekipamentu no Pulícia Nasional Timor Leste, ho tópiku konferensia “Jestaun patrimoniu Estadu ho efisiente no rigurozu kontribui ba boa guvernasaun iha administrasaun públika”.
Kordenador gabineti jurídiku ministeriu Finansas DR. Isac Menezes, iha nia aprezentasaun iha konferensia sesaun trabalho patrimonia Estadu iha salaun Lalini Larigutu edifisiu CNE kinta semana ne hateten, Estadu iha obrigasaun hodi disidi performa guvernasaun no desizaun pulítiku hodi jere rekursu rikusoin sira patrimonia Estadu nian atu bele benefisía povu Timor-Oan tomak. Tanba ne’e, Guvernu halo avaliasaun hodi introdús medidas foun ba pulítika sistema ijistente liuliu oinsa prodús jestaun finansas públika adekuadu diak ba patrimonia estadu liga ba veíkulu Estadu ho forma nebe fo prestasaun diak ba interese povu tomak.
Liu husi pulítika reforma jestaun maka Guvernu bele hasai resolusaun nebe introdús mekanizmu foun ba utilizasaun jestaun frota iha instituisaun tomak Estadu nian. Liu husi jestaun foun nebe sei introdús mekanizmu foun atu bele koloka osan Estadu sira iha área investimentu nebe sei hahoris retornu nebe nebe fo benefisiu ba povu tomak tuir prinsípius Konstituisaun, no la uza apenas ba prosesual mekanizu no inisiativu sira nebe laiha retornu benefisiu ba Estadu no povu.
Dalan ida atu hetan materia ba reforma jestaun finaseirus patrimonia Esatdu ne liu husi konfernsia sesaun trabalho integrada nebe involve instituisaun Estadu tomak hodi hetan opiniaun, sujestaun no preokupasaun sira nebe sai tetu atu bele integra iha konteudu resolusaun hodi hahoris lei ka dekretu lei jestaun ida nebe forte no efetivu, tanba kriasaun lei no dekretu lei ida tenke aposta ba desizaun pulítika.
Hatan ba perguntas krítikus barak husi funsionarius kargo xefias instituisaun Estadu sira ligadu ba valorizasaun dignidade no direitus regalias sira, Isac isplika, funsionarius kargo xefias sira tenke hatene interpreta lei funsaun públiku, no tenke hatene kumprimenta uluk funsaun knaar servisu maka foin bele ijije direitu regalias husi Estadu, no funsionarius kargo xefias sira labele uza previléziu regalias fasilidades no valor saláriu hodi sukat dignidade. [ag]