Diretor Jeral Interinu Minsiteriu Saúde Dr. Nilton do Carmo da Silva
Dili– Diretor Jeral Interinu Minsiteriu Saúde Dr. Nilton do Carmo da Silva, iha okaziun eventu feira aihan seguru ba saúde diak liu iha Largo Lecidere segunda semana ne hateten, Atu atinji metas planu aihan seguru ba sosiedade Nasaun tinan haat mai 2022-2026, Ministeriu saúde kolabora ho instituisaun estadu relevante no ONG kompetenti sira lansa feira durante loron rua Segunda-Tersa 6-7 de Maiu 2022 hodi aprezenta ba públiku materia aihan seguru ba saúde diak liu.
Nudar parte ida husi planu estratéziku atu atinji metas aihan seguru, Ministeriu saúde tenke asegura pontus krítikal hirak katak, komunidade tenke konsumu hahan seguru saudavel, no fornesedor hahan sira hanesan hotel no retaurante mos tenke prepara no fornese hahan seguru saudavel ba populasaun. Feira aihan segurau ne koloka materia aihan saudavel, ekipamentus saúde, exibisaun, advokasia, kuís no kopetisaun diskursu “Aihan seguru ba saude diak liu” ne’ebe involve estudantes pre-sekundariu sira, nudar meius ka estratejia hodi sosializa informasaun kona ba importansia aihan seguru ba saúde diak liu ba sosiedade tomak.
Ejijensia hahán seguru ba ema nudar asuntu esensial no fundamental absolutamente tenke ijisti iha Timor Leste no mundu global, kompostu pontu lima nebe komunidade tenke tau atensaun hanesan; Materia aihan foun kualidade diak, fase liman molok prepara aihan atu tein, fase aihan molok uza aihan atu tein, no seluk. Tanba wainhira populasaun konsumu hahán laseguru, sei rezulta moras hada’et.
Dr. Nilton haktuir, seguransa aihan laos deit responsabilidade Ministeriu saúde ho instituisaun públiku no privadas relevantes sira, maibe ijije konsiensia sosiedade tomak atu tenke obedese mensazen husi ministeriu saude atu hatene fornese hahan seguru no hetene konsumu hahan seguru. Tanba saúde iha ema ida-idak nia liman rasik.
Reprezentante Organizsaun Saúde Mundial DR. Arvind Mathur
Enkuantu Reprezentante Organizsaun Saúde Mundial DR. Arvind Mathur hateten, laiha nutrisaun diak no siguransa alimentar garanttidu wainhira laiha aihan seguru saudavel. Organizsaun saude mundial kontenti bele parseria ho Ministeriu Saúde Timor Leste iha realizasaun feira aihan seguru ne hodi bolu atensaun ba sosiedade Timor Leste kona ba saida maka aihan seguru no nia importansia.
Arvind Mathur hateten, sempre iha opurtunidade atu hadia aihan seguru, maibe presiza servisu makaas hodi garante katak, aihan nebe kuda iha toos laran seguru, no aihan nebe lori too iha meja leten atu konsumu mos tenke seguru, liu husi xave lima nebe involve Guvernu ka ministeriu saude hamutuk ho OMS no ho entidades hotu. OMS haré katak, maske la’o neneik, Guvernu Timor Leste ho entidades públiku Nasaun ne servisu hamutuk no halo ona esforsu hodi atinji metas, nune’e OMS fiar Timor Leste sei rezolve problema hamlaha no nutisaun aat iha tinan 2022 nia laran. [ag/mf]