‘Ema ne’ebe pasiensia iha komprensaun luan, maibe nia ne’ebe hirus lalais sei hasae hahalok ne’ebe beik.’ Proverbios 14: 29

Maromak fó knaar ba ita atu tau Matan ba sira. Bíblia hatete: ‘Keta sai hirus to’o sala, Keta ba toba ho hirus no keta fó oportunidade ba diabu.’ (Efezu 4: 26 – 27) satanás hakarak tebes atu tama iha ita-nia uma no kria inferno iha uma laran, no bainhira ita hirus, ita lakon ho satanas. Tan ne’e mak Bíblia hatete: ‘Ema ne’ebe pasiensia iha komprensaun luan, maibe nia ne’ebe hirus lalais sei hasae hahalok ne’ebe beik.’

Dalan di’ak ida atu kontrola ita-nia hirus mak hodi fó sai ita-nia sentimentu hodi la bele hakanek ita-nia laran. Importante atu fó sai ita-nia sentimentu, maibé ita tenke haka’as an nafatin iha dalan ne’ebé loos. Ne’e laos kona-ba se mak loos no se mak sala, ka se mak bele hakilar ho lian maka’as. Ida ne’e atu hetan solusaun ne’ebé di’ak liu ba ema hotu. Komprende ida-ne’e: la iha ema ida mak bele sai buat ne’ebé ita hakarak sira atu moris iha tempu hotu. Imposivel atu iha relasaun domin ba tempu naruk, sein aprende atu simu ema nia fraku. Tan ne’e, duke hanoin kona-ba ita-nia família nia sala, hanoin kona-ba ita-nia forsa nu’udar família.

Matenek-na’in ida naran Paul Pearsall hatete: “Ita barak mak sei fó ita-nia moris rasik ba ita-nia família. Maibe ita halo moris kleur ba kleur ita komesa la fo folin bai ta nia familia.” Aprende ba atu kontrola ita nia emosaun. Ita nia familia importante liu. No se mak hadomi ita maske ita halo falha barak? No iha ne’ebé tan mak ita bele hetan hakmatek no forsa se laos sira nia suporta ba ita?

Aihan Espiritual: 2 Liurai 16: 1 – 18: 16, Marcos 15: 33 – 47, Sal 80: 1 – 11, PR 13: 11 – 12.