‘Nee duni, hau sura buat hotu nudar folin laek tanba folin boot liu mak atu konhese hau nia Nai Kristu Jesus.’ Filipe 3:8a

Segredu atu tahan iha tempu susar laos kona-ba buat ne’ebé imi hatene, maibé kona-ba se mak imi konhese. Imi dehan, ‘Agora dadaun ha’u hetan susar barak liu fali Job.’No Job dehan: ‘Maibee Nia hatene dalan ida nebee hau lao liu, no bainhira Nia koko hau, nunee hau sei sai hanesan osan mean. Hau la sees hosi ukun fuan sira nebee mai hosi Ninia ibun tutun; hau kaer liafuan hosi Ninia ibun nudar riku-soin nebee iha folin liu fali hau nia hahaan.’ (Job 23:10-12)

No Paulo nia moris laos piknik ida: ‘Hau halo viajen dala barak. Hau hasoru perigu hosi mota sira, perigu hosi naok-teen sira, perigu hosi hau nia povu, perigu hosi ema Jentiu sira, perigu iha sidade laran, perigu iha rai fuik, perigu iha tasi no perigu hosi maun-alin falsu. No liu fali buat hotu nebee akontese, loro-loron hau senti todan tanba hau preokupa kona ba igreja hotu.’ (2 Korinto 11:26-28)

Kuandu ita lee lista ne’e, ita husu: oinsá mak nia halo ida-ne’e? Paulo hatene segredu tahan moris iha susar laran. Saida mak ne’e? Nia husik ninia susar sira ne’e hotu lori nia hakbesik liu tan ba Nai Maromak: ‘Maibee Nai dehan mai hau, “Hau nia grasa nee too ona ba o, tanba Hau nia kbiit sei sai kompletu iha isin fraku.” Entaun hau kontenti atu gaba aan liu tan kona ba hau nia isin fraku atu Kristu nia kbiit bele hela iha hau. Nunee tanba Kristu hau kontenti bainhira hau fraku no bainhira ema koalia aat hau. Hau kontenti ho tempu susar, terus no difikuldade sira. Tanba bainhira hau fraku, hau iha kbiit. (2 Korinto 12:9-10)

Seraque ita hakarak saida mak Job no Paulo iha? Entaun, hakbesik liutan ba Na’i, ne’e mak segredu!

Aihan Espiritual: Jenesis 11: 1 – 9, Flp 2: 1 – 11.