‘Tanba isin mak kaan buat nebee kontra Espíritu, no Espíritu kontra isin.’ Galasia 5: 17

Bíblia hatete: Maibee hau dehan ida nee, lao iha Espíritu, no imi sei la halo tuir buat nebee isin kaan. Tanba isin mak kaan buat nebee kontra Espíritu, no Espíritu kontra isin. Sira kontra malu, nunee imi la bele halo buat nebee imi hakarak halo. (Galasia 5: 16 – 17) Rona senti  familiar loos ga lae? Mai ita haree savi haat atu manán funu loroloron entre ita-nia hahalok tuan no hahalok foun.

(1) Onestu. Konfesa katak ita-nia isin sei sempre kontente ho buat ne’ebé sala, no laiha ferias ba ida ne’e.

(2) Hatudu fuan haraik-an. Rekoñese katak ita la iha kbiit atu manán funu se la iha Maromak nia ajuda. Hodi tau fiar ba Maromak, ida-ne’e sei ajuda ita atu tahan hasoru susar importante sira-ne’e. No tanba ita halo tuir dixiplina ne’e, ita-nia kbiit sei sai boot liutan. No ita hakbesik liutan ba Maromak, ita sei sai metin liutan kuandu hasoru tentasaun no problema.

(3) Dixiplina. Ne’e mak ema ida-idak nia problema; la iha ema seluk mak bele halo ida-ne’e ba ita. Paulo hakerek: ‘Ne’e duni labele husik atu sala atu ukun imi nia isin ne’ebe to’o loron ida sei mate ne’e. labele tuir fali buat aat sira ne’ebe mak imi nia isin hakarak halo. (Roma 6: 12)

(4) Matan-moris ba. Nu’udar soldadu ida, David tenke hatene ho di’ak liutan, maibé satanás la kaer metin ba ninia sala. Tan ne’e, nia halo sala-fo’er ho Batseba, no depois ne’e, nia oho nia la’en hodi koko atu taka ninia sala. Karik ita hanoin la bele akontese ba ita boot. Paulo, apóstolu boot liu, hakerek: ‘Hau treinu makaas hau nia aan, too hau domina hau nia aan tomak. Se lae, hau foo sai Liafuan Diak ba ema, maibee too ikus hau rasik la simu premiu.’ (1 Kor 9: 27)

Aihan Espiritual: 2 Liurai 18: 17 – 20: 21, Marcos 16: 1 – 20, sal 80: 12 – 19, PR 13: 13 – 16