Diretor Ajensia Weststar Aviation Indonesia Suardi M Panua, (Foto: Andre Gusmão)

Dili– Ekipe Ajensia Weststar Aviation Indonesia Quarta semana ne’e hasoru malu ho Prezidenti Repúblika RDTL Dr. Ramos Horta iha Palasiu Prezidenti Nicolau Lobato hodi koalia kona ba demanda Ajensia Weststar Aviation Indonesia atu aluga helikopeter ba kompainia negósiu mina sira, no ba  implementasaun projetu  mina iha baze Betanu futuru mai.

Diretor Ajensia Weststar Aviation Indonesia Suardi M Panua, ba jornalista sira hateten,

Weststar Aviation Indonesia nudar kompainya Charter Transporte Aero nebe aluga helikopter transportasaun própria ba kompainya mina sira iha servisu kategoria úniku iha tasi laran hanesan transporta funsionariu operador mina husi rai maran ba lokasaun bayu undang tasi laran.

Ejistensia Ajensia Weststar Indonesia kuinesidu ho kapasidade kompetensia kualitativu nebe halo charter aluger helikopeter ba kompainia mina barak iha Indonesia. Suardi esplika, ba futuru misaun negósiu Ajensia Weststar Indonesia iha Timor Leste mós sei aplika programa formasaun  rekursu umanu ba  joventude Timor oan sira atu sai aviador helikopter. [ag]