‘Se karik ami harii ami nia altár rasik, hodi sees aan hosi Nai.’ Josue 22: 23

Iha Bíblia, altár ida reprezenta buat oioin. Ida-ne’e reprezenta sakrifísiu ba Maromak hodi fó ba nia bibi-malae ne’ebe di’ak liu hotu iha ita-nia bibi-lubun. Ida-ne’e reprezenta adora Maromak no tau nia aas liu iha moris tomak. Ne’e reprezenta haraik-an hodi rekoñese katak ita presiza Maromak no depende ba Nia. Maibe dalaruma ita mós bele harii altár ba ita-nia an rasik. Hodi halo nune’e, ita halakon Maromak nia fatin ne’ebé loos iha ita-nia moris no komesa tau uluk ninia an. Bele mós dehan, ami harii altár ida hodi halo promosaun ba an, proteje an, konfesa ita nia an, no foti an.

Tan ne’e mak Jesus haruka ninia dixipulu sira atu tau sira nia an hanesan dixipuladu, no ida ne’e mak standar ne’ebe aas: ‘Se ema ruma hakarak tuir Ha’u, nia tenke nega ninia an, no foti ninia Krús no la’o tuir Ha’u. (Mat 16: 24)  ‘Ita-nia Krús iha objetivu ida de’it, no ida-ne’e katak hamate ita nia an.’ Paulo hakerek: ‘Tanba imi moris tuir hakarak isin nian imi sei mate; maibé se imi husik Espíritu mak halo mate imi-nia hahalok isin nian, imi sei moris.’ (Roma 8: 13) atensaun ba liafuan ‘hamate’.

Ó-nia isin, ó-nia ego no ó-nia isin nia hakarak, sei la prontu atu mate. No kuandu ita halo ida-ne’e, ida ne’e tenki hedi lor-loron. No forsa atu halo ida ne’e mak uza ita-nia tempu atu halo orasaun ba Maromak no hanoin beibeik kona-ba Maromak nia liafuan. Tan ne’e, ohin loron ita-nia desizaun mak; atu harii altár ida ba Na’i, ita tenke tau uluk ita-nia an iha altár leten. Ita prontu atu halo nune’e ka lae?

Aihan Espiritual: 1 Liurai 17: 1 – 7, 1 Reis 18: 41 – 46, Marcos 4: 35 – 41.