‘Klaru husi o nia liafuan.’ Mateus 26: 73

Liafuan sira ne’ebé ó ko’alia sei halo ema konhese ó. Ne’e akontese ba Pedro. Iha kalan ne’ebé ema kaer Jesus no Ninia dixipulu sira namkari, Pedro besik iha ne’eba atu haree buat ne’ebé akontese, maibé la to’o atu hatene saida mak akontese ba Nia.

Bíblia hatete: ‘Tuir mai, ema sira nebee hamriik iha nebaa dehan ba Pedro, “Tebes ita mos ema ida hosi sira, tanba ita hatudu aan liu hosi ita nia lian.” Depois nia komesa koalia aat no jura, “Hau la konhese mane nee!” Iha momentu nee kedas, manu kokoreek. Pedro hanoin hetan fali liafuan hosi Jesus, nebee dehan ba nia, “Molok manu kokoreek, o sei nega Hau dala tolu.” No nia sai ba liur no tanis ho tristi makaas.’ (Mat 26: 73-75) Depois ne’e, la iha ema ida mak du’un Pedro nu’udar Jesus nia dixipulu!

Ita kontente tebes atu simu knaar iha Língua naran de’it hodi halo ema seluk dúvida kona-ba ita-nia relasaun ho Kristu. Ita-nia liafuan iha kbiit atu halo ema hamriik ka harahun sira, dada sira ba Kristu ka duni sai sira. Tan ne’e mak ita presiza hanoin beibeik kona-ba Eskritura rua ne’ebé ita lee:

(1). ‘Bainhira imi koalia, sempre uza liafuan midar nebee monu ba ema nia laran. Nunee se ema ruma husu pergunta ba imi, imi bele hataan ho diak.’ (Kolose 4: 6)

(2) Bainhira imi koalia, la bele koalia liafuan tolok no aat. Maibee koalia deit liafuan diak nebee ema presiza rona, para hametin sira nia laran. Liafuan hanesan nee sei ajuda sira. (Efezu 4: 29)

Ohin loron, mai ita halo orasaun kona-ba ne’e: aman, ha’u hein katak liafuan ne’ebé ha’u ko’alia iha loron ne’e bele fó hahi’i ba Jesus nia naran no dada ema seluk ba nia. Ha’u halo orasaun hodi Jesus nia naran, amén.

Aihan Espiritual: Jer 1-3, Lucas 1: 67 – 80, sal 144: 1 – 8, PR 14: 1 – 4.