Prezidenti Asosiasaun Emprezarial Feto Timor Leste Hergui Luina Fernandez Alvez.

Dili— Prezidenti Asosiasaun Emprezarial Feto Timor Leste Hergui Luina Fernandez Alvez iha nia intervensaun ba serimonia abertura formasaun emprendedorizmu iha edifisiu AEMTL Segunda semana ne hateten, programa emprendedorizmu inkluziva nudar eventu aplikavel iha  mundu global hodi akumula ema hotu husi  multi estatutu sosial, ne’ebe empodera no eleva kapasidade feto no mane husi entidades oioin hanesan sosiedade LGBT, ema ho defisiensia fíziku, ema ho istoria vítima violensia bazeia ba jéneru.

Hargui Luina hateten, Formasun ne’e nudar opsaun ba multi estatutu sosial hodi foti ema hotu nia prezensa hamrik ho direitu hanesan, ho forsa ekonomia rasik, hodi foti desizaun ba an rasik iha sosiedade let. Hergui Luina hein, hafoin treinamentu ka formasaun duranti loron lima ne’e partisipantes sira bele foti desizaun no planeamentu hodi hahú aplika ona atividade negosiu iha sesiedade let.

AEMTL espekta, liu husi formasaun emprendedorizmu ne bele integra sosiedade marjinalizadu sira iha sosiedade hodi kontribu ba unidade Sosial, kontribui ba paz no estabilidade Nasaun, kontribui ba dezenvolvimentu Nasaun, halakon diskiriminasaun sosial, no halakon violensia bazeia ba jéneru iha sosiedade laran. [ag]