‘Maibe tuir Nia promessa katak ita sei hein ba lalehan foun no mundu ne’ebe foun.’ 2 Pedro 3: 13

Oinsa ho terus—laos katak ida ne’e hatudu la iha Maromak ne’ebé domin nain? Adão hetan opsaun rua atu obedese Maromak ou lae. Adão hili atu la obedese, no Maromak dehan: malisan ba rai [mundu] tanba o; liu husi terus maka’as imi sei buka ai-han husi rai ne’e iha imi-nia moris tomak. (Jenesis 3: 17) haree to’ok liafuan “terus”. Hanoin to’ok kona-ba moras kankru, moras alzheimer, moras fuan, emphysema, parkinson nia moras, no moras seluk tan ne’ebe muda ema nia moris. Maromak “huu” ida ne’e bainhira nia kria ema? Maibé, triste katak ema barak uza problema ne’e nu’udar razaun atu la simu Maromak nia hanoin, maibe lolos husi Ninia prezensa ne’e mak sai razaun ita tenke fiar ba Nia.

Horiuluk kedas Maromak kria ema perfeitu, no sira moris iha mundu ne’ebé perfeitu no la iha terus, ne’e mak lalehan ne’ebe eziste iha mundu. bainhira sala tama iha mundu, mate no terus hotu mosu mai. Resposta ne’ebé loos mak saida? ‘Ita sei hein ba lalehan foun no mundu ne’ebe foun, iha fatin ne’ebe hetan lia loos. Tanba ne’e maun-alin sira, bainhira imi hein buat ne’e, imi tenki hakas an nafatin atu keta moras no foer iha Nia oin, iha dame ho Nia. ‘(2 Pedro 3: 13 – 14)

Bainhira Jesus hatete husi Krús, katak ‘Hotu ona. Liafuan ne’e katak selu kompletu ona. Sira-ne’e katak kuandu imi simu Jesus nu’udar imi-nia Salvador, imi sei ba lalehan kuandu imi mate, no imi sei moris iha rai ne’ebé Kmanek halo buat foun iha ne’ebá hodi la halo sala no la hetan terus. ‘Buat ne’ebe matan la haree, tilun la rona, no ida ne’ebe nunka mosu iha ema nia fuan, buat hotu Maromak prepara ona ba sira ne’ebé hadomi Nia. (1 korinto 2: 9)

Se ita seidauk iha serteza atu ita simu Jesus, ohin loron tau fiar ba Nia. Haree pájina 200.

Aihan Espiritual: Jer. 4 – 6, Lucas 2: 1 – 7, Sal 144: 9 – 15, PR 14: 5 – 8.