‘Keta halo be o la kompriende katak, Nia hatudu Nia laran diak ba o para o bele hakribi o nia sala hodi fila fali ba Nia.’ Roma 2: 4

Igreja laos ema laran-makerek hotu, loos ka lae? Liafuan laran-makerek mai husi lia-gregu ba ‘atór’. Laran makerek katak pratika deklara sira nia fiar, sentimentu, ka hahalok-di’ak ne’ebé ema ida laiha. Jesus Kristu nia igreja hamrik husi ema fiar-na’in ne’ebé loos; ema laran-makerek mak finje de’it ema ne’ebé tuur iha Maromak nia povu nia leet. Iha mos Jesus nia dixipulu nain sanulu resin-rua nia leet, naran– Judas. Mai ita onestu; ema husik ona Igreja tanba laran-makerek. No Sin, iha Igreja iha autór barak liu. Ita-nia Igreja modernu nia laran-makerek iha, maibé kuidadu atu imi tesi-lia ba ida-ne’e.

Hanoin-hetan stiker uluk nian: ema kristaun la perfeitu, so hetan perdaun? Antes ita tesi-lia ba ema ne’ebé halo sala no luta hasoru sira-nia fraku, lee liafuan tuirmai ne’e: Entaun, belun, se o tesi lia mesak katak o nia maluk merese hetan kastigu, kuidadu! O nia liafuan nee hamonu fali o. Tanba o mos halo sala hanesan nia. Nunee bainhira o hatudu liman ba nia, o deklara katak o rasik mos tenki hetan kastigu nee. Ita hatene, bainhira Maromak desidi atu foo kastigu ba ema nebee halo buat aat sira nee, Nia desizaun nee sempre loos. Nunee, se o hatudu liman ba ema seluk, maibee o rasik halo aat hanesan ema nee, keta hanoin dehan o bele halai sees hosi Maromak nia kastigu! O hatene katak, Maromak laran diak teb-tebes i Nia aguenta hela ho pasiensia naruk. Nusaa mak o la respeita Nia laran diak nee? Keta halo be o la kompriende katak, Nia hatudu Nia laran diak ba o para o bele hakribi o nia sala hodi fila fali ba Nia? (Roma 2:1 – 4)

Keta hanoin demais kona-ba ema laran-makerek sira iha Igreja; Maromak sei hili sira, no nia sei haketak “trigu” husi “duut (haree Mateus 13: 30).

Aihan Espiitual: Jer 7 – 9, Lucas 2: 8 – 20, Sal 8, PR 14: 9 – 12.