‘Hakerek hotu-hotu ne’ebe hetan inspirasaun husi Maromak duni iha vantajen hodi hanorin, hodi hateten sai sala, hodi hadia hahalok, no hodi eduka ema iha lia-loos.’ 2 Timoteo 3: 16

Oinsá mak ita bele tau fiar ba Bíblia kuandu ema mak hakerek Bíblia? Resposta: ita hakerek karta ka kaneta? kaneta mak instrumentu ne’ebé ita uza de’it. Nune’e mós, Maromak uza ema sira nu’udar instrumentu atu hakerek Ninia karta ba ema sira.

Tan ne’e mak señór Isaac Newton hatete: ‘Hau hetan sinal-sinal lialoos ne’ebe serteza dunik iha Bíblia, duke iha kualquer istoria mundu ne’e nian.

Tan ne’e mak Billy Graham hatete kona-ba Sagrada Eskritura ne’e: ‘Se ha’u la fiar katak Bíblia no Evanjellu Jesus Kristu mak sai resposta ba mundu nia problema sira, ha’u sei fila fali ba toos no ba moris iha área rurál ne’ebé ha’u hadomi no gasta ha’u-nia loron ho dame.

Tan ne’e mak Abraham Lincoln hatete: ‘Ha’u fiar katakBbíblia mak prezente di’ak liu hotu ne’ebé Maromak fó ba ema.’

Josh Mcdowell, Apologista Kristaun ida hatetem: ‘Nia imajem mak ne’e: tinan 1.500, jerasaun 60, autór na’in 40, diferente estilu moris ninian , fatin oioin, tempu ne’ebé la hanesan, mood ne’ebe la hanesan, Continente ne’ebe la hanesan, Língua tolu, hakerek kona-ba tópiku kontroversial atus ba atus. Maibé bainhira halibur hamutuk iha armonia absoluta husi inísiu to’o remata… La iha livru seluk ne’ebé kompara ho nia uniku no kontinuidade ida-ne’e.

Ita bele tau fiar ba ita-nia Bíblia. Buat ne’ebé Bíblia fó-hatene nanis sai loos ona, ninia promesa sira sai kompletu ona, no ninia prinsípiu sira kona-ba moris ne’ebé nia halo. Ita hatene tanbasa mak hakerek Biblia? João fo ita resposta: ‘Hau hakerek buat hotu ne’e ba imi, atu imi bele fiar iha Maromak nia oan nia naran, atu imi bele hatene katak imi hetan tiha oan moris rohan-laek. (1 Joao 5: 13)

Aihan Espiritual: Jer 10-13, Lucas 2: 21 – 33, Sal 17, PR 14: 13 – 16.