Dili— Sekretatiu Estadu Komunikasaun Sosial Meríçio Juvinal dos Reis “Akara” hateten, Guvernu preokupa wainhira sosiedade Nasaun laran involve iha hoax ka informasaun falsu nebe soe buatus hodi estraga paz, sobu unidade no hamorsu konflitus iha Nasaun laran. Guvernu rekuinese era dijital nudar kultura foun mundu global inklui Timor Leste nebe estudantes no sosiedade Timor Leste tenke hatene adapta an no hatene aproveita fantazen no evita ninia desfantazen husi era lietrasia dijital, no tenke hatene uza meu internet ho hanoin no objetivu saudavel hodi aprende siensia barak husi internet.
Sekretatiu Estadu Komunikasaun Sosial revela ida ne’e iha nia aprezentasaun iha eventu kampaiña nasional kombate hoax no promove internet saudavel liu husi sensibilizasaun literasia dijital ba estudantes sekundaria no universitariu iha eskola Colégio São Miguel Arcanso Comora Tersa semana ne’e. “Akara” sublina, atu kombate influensia perigozu husi hoax ka informasaun falsu nebe ema deskuinesidu lansa iha mídia sosial ne’e, kada sidadaun tenke iha kapasidade tolu hodi kontrribui ba kombate hoax liu husi; Deskobre fontes informasaun antes involve like no share iha mídia sosial, deskobre informasaun lolós ka lalós, alen de análiza fantazen no desfantazen husi nutisia nebe hakarak like no share ba mídia sosial. [ag]
