‘Nia mak Maromak ne’ebe fó hahi’i ba nafatin! Amén.’ Roma 9: 5

Ema balu hatete katak Jesus Kristu nunka iha. Ray Comfort hakerek: ‘Maski ema ne’ebe ladun iha fiar hili liu atu rejeita Biblia nia mensajen kona-ba morál, maibé sira la bele nega ninia istória ne’ebé loos. Liu fali 25.000 ne’ebe arkeólogu sira hetan hatudu katak ema, fatin no akontesimentu sira ne’ebé temi iha Bíblia laran mak buat ne’ebé loos no loloos. Peskiza ne’ebé arkeólogu sira halo laiha ida mak nega Bíblia. Faktus mak, Bíblia nia informasaun sira dala barak halo arkeólogu sira hakfodak atu deskobre. Jornalista la kristaun ida naran Jeffrey Sheler hakerek nain livru Is The Bible True? (Bíblia ne’ebé loos ka lae), konklui, ‘Ho maneira ne’ebe extraordinaria, “ohin loron, arkeólogu modernu hatudu sai istória ne’ebé importante kona-ba testamentu tuan no foun, apoio parte sira ne’ebe sai hanesan savi ba istoria Biblia ne’ebe importante.”

Jesus nia moris, serbisu haklaken, mate no moris-hias mak buat ne’ebé faktu no istoria ne’ebe realidade no lebele nega dunik. Tuir matenek-na’in ida-ne’ebé naran Yosefus, ema Judeu ne’ebé moris iha apóstolu sira-nia tempu, nia hakerek ida-ne’e: Iha tempu ne’e, Jesus, mane ne’ebé matenek, se karik bele atu bolu nia mane ida, tanba nia mak mestre ne’ebé di’ak tebes, no’autor ba servisu sira ne’ebe furak loos—mestre ida husi ema sira hanesan ne’e mak simu lialos ho fuan haksolok. Nia dada ema Judeu barak ba nia, no ema jentiu barak. Nia mak Kristu, no kuandu pilatos rona liafuan husi ema-boot sira iha ita-nia leet, nia tesi-lia ona ba Nia iha ema-boot sira, kastigu maibe sira ne’ebe hadomi nia la husik Nia, tanba Nia mosu fali ba sira no moris hi’as fali iha loron terseiru, hanesan Maromak nia profeta sira fó-hatene nanis ona kona-ba ne’e no buat furak seluk rihun sanulu kona-ba nia; no ema kristaun sira, ne’ebé hanaran nia, sira sei la lakon to’o tempu agora.

Jesus laos de’it moris, maibé Nia mate atu ita bele hetan moris rohan-laek. Ohin simu Nia nu’udar ita-nia Salvador.

Aihan Espiritual: Jer 14-17, Lucas 2: 34 – 40, Sal 21, PR 14: 17 – 20.