Prezidenti Konselu Imprensa Timor Leste Virgílio da Sila Guterres (Foto: André Gusmão)
Dili— Prezidenti Konselu Imprensa Timor Leste Virgílio da Sila Guterres iha okaziaun eventu formasaun Reportazen Violensia bazeia ba jéneru, iha hotel Golden Star Kinta semana ne’e ba Radio Voz hateten, Produtu jornalistiku konsideradu nudar perkursu intelektual nebe jornalista sira tenke responsabiliza ba konteudu nutísia. Tanba ne’e Jornalista tenke hatene koloka terminolozia liafuan iha konteudu nutisia liu-liu nutisia sira nebe kona ba kazu feto soe bebé, feto vítima insestu, ema trans jéneru feto ho mane, ema lesbian no homosexual, atu nune’e entidades sira parte ba komunitas refere no vítimas forsada sexual sira sente diak wainhira rona no lé nutisia ne’ebe jornalista publika sai ba públiku.
Jornalista tenke konfia an rasik katak nutisia nebe nia hakerek no públika sai ne’e lós no kredibel. Signifika, jornalista tenke iha kapasidade dominasaun iha signifikadu termu liafuan sira no tenke iha kapasidade hatur terminolozia liafuan ho lolós iha pontu pozisaun fraze nebe lós iha nutisia. Jornalista mos tenke hatene signifikadu lolós husi liafuan ka fraze sira hanesan; Asaltu sexual, violensia sexual, abuzu sexual, acédio sexual, Estupru sexual (permerkosaan), muntilasaun (sunat) orgaun jenitália femenina (feto) nian.
Prezidenti Konselu Imprenza mos koloka nia pontu de vista krítiku konsidera frakezas nebe akontese iha maioria jornalista iha Nasaun laran ligadu ho kestaun terminolozia ne akontese tanba maioria jornalsita laiha vontade lé (minat baca) livru. [ag]