Prezidente Repúblika Demokrátika Timor Leste DR. Ramos Horta.

Dili— Prezidente Repúblika Demokrátika Timor Leste DR. Ramos Horta liu husi dekretu Prezidente Repúblika nu.62/2022 6 de Agostu Segunda semana ne’e iha Palácio Prezidente Nicoalu Lobato fo kondekorasaun ho títulu méritos ba militar Korea do Sul nain 5 ne’ebe mate iha misaun paz ONU iha Timor Leste. Militar nain 5 ne’e kompostu; Tenente Coronel Ming Byung Jo, Tenente Coronel Park Jin Kyu, Sarjentu Park Jeonhun, sarjentu Choi Hee, no sarjentu Kim Juang Joon.
Prezidenti Ramos Horta iha nia intervensaun hateten, tinan 19 liu tiha liu husi Prezidensia Repúblika Timor Leste halo omenazen militar ba forsa paz ONU husi Korea do Sul nain 5 ne’ebe mate iha dezastre naturais mota bo’ot tun iha Oecusse.
Prezidenti dehan, nasaun Korea do Sul ne’ebe partisipa maka’as iha forsa paz ONU nian iha Timor Leste huhú husi tempu INTERFET to’o UNTAET iha Timor Leste 1999-2003 lakon sira nia ema militar nain 5 kompostu; Tenente Coronel Ming Byung Jo, Tenente Coronel Park Jin Kyu, sarjentu Park Jeonhun,sarjentu Choi Hee, no sarjentu Kim Juang Joon.

prezidente Ramos Horta lori Estadu no Nasaun nian naran hato’o kondelensia ba familia vítimas nain 5 husi Korea dos Sul ne’ebe mai simu kondekorasaun. “Ba familia sira nebe mai iha ne’e hau hakru’uk ba imi no lori Nasaun tomak nia kondolensias hakoak imi no hamutuk ho imi tau neon ba vítima sira iha Oecusse, familia lubuk ida iha Timor Leste mos lakon Timor oan rihun ba rihun iha luta ida ne’e, dehan Prezidente Ramos Horta.

Prezidente haktuir, elementus balun forsa paz ONU nian husi nasaun seluk ne’ebe mos lakon sira nia ema maka Nova Zelandia lakon nia ema 1 mate iha Suai, elementus forsa Portuguesa 1 servisu elecoptro mate tanba asidente iha Alas no pulícia Guarda Nacional Republicana GNR 1 wainhira ba halo desativasaun bomba iha Laleia, fila fali mai Dili mate iha iha Subão tanba asidenti kareta, elementus forsa Pakistanes 1 mate wainhira tenta halo desativa bomba iha besik areal Cristo Rei Dili.
Reprezentante husi familia vítimas nain lima Jun Hyein Wife, iha nia liafuan badak hanteten, maske sira mai buka fatin ne’e ho laran susar maibe sira sente duni ke sira nia familia la’en, Oan, aman sai duni fantazen ba dezenvolvimentu Timor Leste.
Jun Hyein Wife nebe koalia ho lian Korea no tradús direta ba lian tetun ne’e konfessa, hafoin haré monumentu memorial sira nia famila ne’ebe mate no hakoi iha Oecusse sira sente duni ke povu Timor Leste nafatin hanoin sira nia familia ne’ebe mate ba misaun paz ONU. Nune’e wainhira sira fila fali ba Korea sira sei sente hakmatek, no sira agredese ba Estadu no povu Timor Leste nebe nafatin lembra sira nia familia ne’ebe mate iha misaun paz ONU iha Timor Leste.

Familia elementu militar evergreen nain 5 ne’e to’o iha Dili kuarta 3 de Agostu semana kotuk no iha loron kinta feira semana kotuk sira aranka kedas ba presta omazen ba sira nia familia elementus militar evergreen nain 5 iha monomentu memorial iha Oecusse.

Enkuantu embaxador korea do Sul ba Timor Leste, Kim Jeong Ho iha nia intervensaun agradese ba xefi Estadu Timor Leste ne’ebe koloka kondekorasaun ordem de méritos ba elementus militar evergreen Korea nain 5 nia mate iha missaun paz ONU nian iha Timor Leste.
Kim Jeong Ho nebe ho lian Korea no tradús ba lian tetun ne’e hateten, tinan 19 lori memoria diak no a’at ba nasaun rua, no Prezidente Repúblika Demokrátika Timor Leste la haluhan fo kondekorasaun ba sira. Ba ne’e, Estadu Repúblika Korea do Sul nia agradesementu. [ag]