Virgílio da Silva Guterres, Prezidente Konselu Imprensa. (Foto: Andre Gusmão)
Dili— Liberdade no demokrasia la’os buat ida nebe mosu mesak, maibe mosu mai husi esforsu bot ida nebe halo bebeik ona, no tenke halo bebeik nafatin ba nafatin.
Hanesan perkursu husi eroi jornalizmu bot Max Stall halo ona no hameno hela ba mídia komunikasaun sosial no jornalista Timor ona sira atu tenke halo buat barak hodi konkista no mantein liberdade no demokrasia iha nasaun.
Prezidente Konselu Imprensa Virgílio da Silva Guterres hateten ida ne’e ba Radio Voz iha salaun konferensia edifisiu konselu imprensa Segunda semana ne’e. Tuir planu Konselu imprensa sei lansa eventu deslutu hodi komemora Max Stall nia mate iha loron 27-28 outubru 2022 ho fokus inportante ba produsaun dokumentu perkursu jornalizmu istóriku Max Stall ba povu Timor Leste, espesialmente ba mídia komunikasaun no konselu imprenza Timor Leste.
Prezidente konselu imprensa mos deklara ba públiku sei halo lansamentu loron nasional liberdade imprensa nian nebe Parlamentu Nasional aprova ona. Lansamentu ne’e sei halo iha iventu anual komemorasaun Balibo Five tinan 2022 nebe sei mobiliza jornalistas barak husi nasional no entranjeirus nebe konsentra iha sentru postu administrativu Balibo. [ag]