Foto: Maria Brass, fasilitadora asesmentu servisu embaxada Australia.
Dili– Ministru Prezidensia Konselu Ministrus Fidelis Magalhães iha konferensia imprensa reuniaun ordenária Konselu Ministrus iha Palácio Guvernu uarta semana ne’e anunsia ba públiku hateten, hahú loron 30 fulan Setembru 2022 Guvernu taka ona porto Dili ba estasionamentu no deskarregamentu ro ahi kontentorm, no hahú loron 1 fulan Outubru 2022 Porto Dili so bele loke asesmentu ba deit estasionamentu, karregamentu no deskarregamentu ro ahi pasajeirus nasional no internasional aleinde ro ahi bot kruzeirus sira.
Ho nune’e, hahú loron 30 de setembru 2022 Guvernu sei muda ona estasionamentu no atividades deskarregamentu ro ahi kontentor sira ba porto internasional Tibar. No hahú loron 1 fulan Outubru 2022 porto internasional Tibar bele ona loke asesmentu ba estasionamentu, karregamentu no deskaregamentu ro ahi kontentor sira.
Ministru Fidelis esplika, prosesu konstrusaun Porto internasional Tibar atinji ona %92, nebe tuir planu Guvenru, inagurasan no lansamentu ofisial funsionamentu porto internasional Tibar foin akontese iha loron 30 fulan novembru 2022. Maske nune’e, Guvernu disidi atu porto internasional Tibar bele hahú dadauk ona atividades deskarregamentu ro ahi kontentor sira hahú loron 1 fulan Outubru 2022. [ag]