Foto: Filomeno Soares, Diretor Nasional Empregu Exterior Sefope.
Dili– Diretor Nasional Empregu Exterior sekretariadu Estadu formasaun profisonal no empregu Sefope Filomeno Soares Kinta semana ne’e hateten, Sefope husik trabalhadores 242 kompostu feto 70 no mane 172 nebe sei aranka iha tempu badak atu ba servisu iha Australia. Trablhadores hirak ne’e priense kontratu atu ba servisu iha Australia ho variavel durasaun tempu kontratu balun fulan 9, balun tinan to’o tinan 4, trablhadores 242 nebe Sefope husik ne sei ba servisu iha area horticultura ku’u aifuan no ko’a na’an.
Sefope sei kontinua mobilizasaun baral liu tan trablhadores Timor oan sira atu ba servisu iha nasaun Australia, Tasmania no nasaun seluk. Filomeno isplika, iha pulítika estandar salairiu nebe Sefope aplika atu trabalhador sira hodi hetan osan naton iha nasoins estranjeirus sira maka hanesan volume salariu nebe Australia no Korea do Sul aplika ona ba trablhadores Timor oan sira. Diretor nasional Filomeno hateten ida ne ba jornalista sira iha serimonia husik trabailladores iha salaun auditorium hotel Timor Lodge Kinta semana ne’e.
Fasilitora asesmentu servizu embaxada Australia Maria Brass hateten, iha rekejitus mobilidades elaboral Australia nian nebe trabalhadores Timor oan sira tenke priense atu ba servisu iha Australia maka hanesan, trabalhadores tenke iha saude fíziku diak, tenke kumpriende servisu nebe patraun sira fo no servisu ho laran tomak, hatene ko’alia lian Inglês no hatudu komportamentu diak. Guvernu Australia kontinua nafatin loke odamatan hodi simu nafatin trablhador Timor oan barak liu tan atu ba servisu iha Australia.
Enkuantu trabalhadora Maria de Fátima espressa nia sentimentu kontenti tanba bele hetan opurtunidade atu ba servisu iha Australia no promete sei nia servisu los ho komportamentu diak no wainhira ramata husi kontratu servisu iha Australia, fila fali mai nasaun nia sei uza osan nebe nia hetan husi servisu atu dezenvolve diak nia moris rasik no hadi’a familia nia moris, no planeia sei harí negósiu hodi multiplika osan nebe nia hetan hodi dezenvolve nia ekonomia ba futuru. [ag]