‘Maromak la foo mai ita espiritu neebe tauk-teen.’ 2 Timoteu 1:7

Biblia hatete, ‘Tanba Nai Maromak nia Espiritu nebee Nia foo mai ita, la halo ita tauk-teen. Maibee Nia foo poder mai ita, halo ita hadomi ema, i ajuda ita atu domina aan.’ Atu hlakon tauk hahuu husi komprensaun ida katak tauk nee espiritu ida, no ida nee la mai husi Nai Maromak. Wainhira ita realiza katak, ita sei la renden aan ba ida nee. Entaun, saida mak Maromak foo ba ita hodi troka tauk? Iha buat tolu:

(1) Poder. Agora ita la koalia deit konaba tekniku ajuda ita-aan no jestaun stress. Ida nee halo ita nia moris sai kontente liu tamba hamenus ida nia preokupasaun ho klean liu. Nee mak fiar neebe metin ba ita nia moris, katak buat hotu neebe konaba ita mak iha Maromak neebe domin nain nia liman, neebe hanoin buat diak hotu ba ita. Tan nee, buat hotu sei diak, no ita bele moris livre husi hanoin barak.

(2) Domin. Biblia hatete, ‘domin loloos halakon tauk.’ (1 Joao 4:18) Maibe bainhira ita hatene katak Maromak hadomi ita no Nia nunka troka Nia hanoin konaba ita, ita sei aprende atu hadomi no simu ita nia aan, no tuir mai ita bele hadomi no simu ema seluk. Hanoin took kauza oinsa mak ita sente tauk ba ema seluk, tauk bainhira ema la simu ita, no tauk bainhira hetan kritika sira? Tipu domin ida nee laos deit ‘sentimentu-diak’ nian; ida nee maka forsa ida neebe muda ita nia moris.

(3) Hanoin neebe saudavel. Paulo hakerek: ‘Tanba ami nia ekipamentu funu nian laos hanesan ema mundu nian. Maibee ami uza Maromak nia kbiit hodi sobu rahun tiha moru nebee haleu inimigu nia fatin.  Ema nebee foti aan hasoru Maromak, ami sobu rahun tiha sira nia hanorin falsu nebee halo ema la konhese Maromak. Ami halakon tiha hanoin hotu-hotu nebee la loos, para hanoin hotu-hotu tuir deit Kristu nia hakarak.’ (2 Korintu 10:4-5)

Buat tolu ne’e mak Nai Maromak nia resposta konaba preokupasaun.

Aihan Espiritual: 1 Samuel 4-7, Lukas 23:13-25, Salmo 52, Proverbiu 21:17