‘La iha ema ida mak bele foti onra ba nia aan rasik.’ Ebreu 5:4

Atu hatene saida mak Maromak bolu ita atu halo iha ita nia moris, ita iha opsaun rua.

(1) Espekulasaun. Dr Hugh Moorulun, nudar xefe departamentu filozofia iha universidade    ida iha Northeastern Illinois, hakerek ba ema nain 250 neebe matenek nain, sientista, hakerek nain livru nian, no matenek nain sira, hodi husu pergunta sira neebe iha kleur ona: ‘Saida mak signifikadu/folin moris nian?’ Depois nia publika sira nia resposta iha livru ida. Ema balu foo sira nia moris nuudar buat neebe diak liu, no balu tan dehan katak sira halao ona sira nia objetivu moris nian, no sira seluk ho onestu katak sira la hatene buat ida. Tuir loloos, sira balu husu Moorhead atu hakerek fali no foo hatene sira se nia rasik mak hetan ona objetivu moris nian. Agradese ba Maromak iha alternative husi Eskritura atu halo espekulasaun!

(2) Revelasaun. ‘La iha ema ida bele foti nia aan rasik sai nai-lulik boot, maibee Nai Maromak mak foti nia.’ Bainhira ita hatene Maromak bolu ita atu halo buat ruma neebe ita fiar katak  Nia sei foo ba ita rikusoin, matenek, no matadalan neebe ita presiza. No imi bele hetan buat boot sira nee hotu husi Ninia liafuan. Biblia mak matadalan neebe foo sai nanis konaba tambasa mak ita moris, saida mak ita sei halo, saida mak ita sei hasees aan, no saida mak ita sei halo iha futuru. Biblia ne’e esplika saida mak filozofia rasik la bele hatene. Paulo hakerek: ‘Matenek nebee mak ami foo sai nee, matenek Maromak nian. Molok mundu iha, Maromak iha ona planu hodi foti aas ita liu hosi Jesus, maibee durante nee Nia planu nee segredu hela.’ (1 Korintu 2:7) Jenetikamente ita iha atu kompleta objetivu moris ida. No atu deskobre ida nee, ita tenki bazeia ba Maromak nia liafuan laos matenek mundu nian.

Aihan Espiritual: 1 Samuel 8-10, Lukas 23:26-34, Salmo 54, Proverbiu 21:18-21