Asesor Seguransa Nasional EUA nian Jake Sullivan ko’alia durante konferénsia notísia iha White House, Washington, 20 Setembru 2022. (Fotografia: Reuters/Jonathan Ernst)
Estadus Unidus fó avizu ba Rusia kona-ba “konsekuénsia boot” se Moskovu lansa atake nukleár ida ba Ukrainia, dehan iha Domingu (9/25), asesor seguransa nasionál husi Prezidente Joe Biden, Jake Sullivan.
Sullivan, ne’ebé ko’alia kona-ba programa televizaun ABC “This Week,”dehan katak ofisiál Estadus Unidus fó-hatene ona ba ofisiál Rusia sira ne’ebé taka odamatan sira katak Biden ” sei hatán ho determinasaun” se Prezidente Vladimir Putin haruka atake nukleár ida. Maibe Sullivan la temi oinsá mak Estadus Unidus sei hatán se Rusia halo ida-nee.
Sullivan hateten katak Estadus Unidus sei “la envolve iha jogu retoriku ida kona-ba vingansa” ho Rusia.
Maibe Sullivan, iha entrevista ketak ida ho “Meet the Press” husi BNC, hatete katak “Rusia komprende didi’ak saida mak Estadus Unidus sei halo hodi hatán ba uzu armas nukleár iha Ukrania tanba ami fó sai ona ba sira.”
Resposta husi Estadus Unidus mai hafoin Putin fó sinál katak iha posibilidade atu halo atake nukleár iha semana kotuk bainhira nia bolu rezerva militár hamutuk 300,000 hodi hola parte iha funu invazaun Ukrania ne’ebé hala’o fulan hitu nia laran. [mf]