Sekretariu Estadu joventude no Desporto Abrão Saldanha.
Dili— Sekretariu Estadu joventude no Desporto Abrão Saldanha rekuinese dala primeiru iha rivalitas jogu futibol internasional Ekipe nasional jogador futibol Timor Leste lakon ho Brunei Darusalm ho skor 2-6. Maske nune’e, sekretariu Estadu sublina razaun atu labele uza problema saláriu jogador ka orsamentu jeral futibol nian nudar sasukat ba lakon ida iha jogu, tanba esperiensia hatudu ekipe jogador profisional sira iha nasaun avansadu hanesan kontinente Europa mos dala barak lakon iha jogu ida wainhira falha estratezia tékiniku. Hatan kona ba liga futibol nasional, sekreteariu Estadu konfirma, iha ona orsamentu aprovadu husi Parlamentu Nasional $.200.000 aumenta aumenta tan ho balansu $.40.000 hamutuk $.240.000 dolares Americano rezervadu ba implementasaun torneu liga futebol nasional tinan 2022. [ag]