ℹ️ ???????????????????????????????????????? ????????????????????????????????

???????????????????????????????????? ???????????????????????????????? ???????????????????????????????????? ???????????????? ???????????? ???????????????????? ???? ????????????????????-???????????????????????????????? ???????????????????? ????????????????
???????????????????????? ????????????:
✅ Alterasaun dahuluk ba Dekretu-Lei n. 37/2022, loron 25 fulan-maiu, kona-ba subsídiu fim do ano ba uma-kain sira;

✅ Regulamentu apoiu finanseiru ba abitasaun nian ne’ebé atribui ona ba kombatente veteranu libertasaun nasionál ida-idak, ne’ebé dezmobilizadu husi luta husi tinan 15 to’o 19;

✅ Sekretariadu Fundu Kombatente sira Libertasaun Nasionál nian;

✅ Valor seña prezensa atu selu ba membru sira Komité Investimentu Fundu Kombatente sira Libertasaun Nasionál nian;

✅ Akordu entre Governu Komunidade Austrália no Governu Repúblika Demokrátika Timor-Leste, kona-ba kooperasaun iha domíniu defeza no ba estatutu Forsa Vizitante sira;

✅ Alterasaun ba kontratu ne’ebé selebra ho Sinoitech Engineering Consults;

✅ Alterasaun ba kontratu ne’ebé selebra ho Katahira Engineers International; no

✅ Pagamentu estraordináriu husi saláriu adisionál fulan ida nian ba funsionáriu, ajente no kontratadu sira administrasaun públika nian.
???????????????????? ???????????? ???????????? ????????????????????́???? ????????????????????????????: ????????

http://timor-leste.gov.tl/?p=31473&lang=tp

Konsellu Ministrus hala’o sorumutuk iha Palásiu Governu, iha Dili no, aprova ona projetu Dekretu-Lei, ne’ebé aprezenta husi Primeiru-Ministrus, Taur Matan Ruak, ne’ebé halo alterasaun dahuluk ba Dekretu-Lei n. 37/2022, loron 25 fulan-maiu, kona-ba subsídiu fim do ano ba “Uma kain”, hodi klarifika ámbitu husi ninia aplikasaun.

Ho alterasaun ne’e, benefísia sira husi apoiu ida ne’e maka agregadu família sira ne’ebé rejistu ona to’o loron 28 fulan-fevereiru tinan 2022, iha livru Rejistu “Uma Kain”, ne’ebé daudaun ne’e iha territóriu nasionál no iha ne’ebé la iha elementu ida ne’ebé simu fulan-fulan, ho forma regulár, rendimentu sira ne’ebé mai husi serbisu iha instituisaun públika ka entidade privada, rendimentu emprezariál, rendimentu prediál ka rendimentu sira ne’ebé hetan husi prestasaun sosiál liuhusi rejime kontributivu, la kontributivu, ka espesiál, ne’ebé ninia valór aas liu duké dolar amerikanu 500.

Hodi bele simu pagamentu ne’e, reprezentante “Uma Kain” ne’ebé benefisiáriu tenke subskreve deklarasaun ida hodi konfirma katak la iha membru ida husi Uma Kain ne’e, ne’ebé regulár simu fulan-fulan, rendimentu aas liu duké dolar amerikanu 500. Reprezentante husi Uma Kain ne’ebé subskreve deklarasaun ne’e, hatene katak saida maka deklara ne’e laloos, iha obrigasaun atu fó filafali valór ne’ebé simu ba Estadu, no bele hetan responsabilidade kriminál, tuir lei haruka. ….

Konsellu Ministrus aprova projetu Dekretu-Lei kona-ba regulamentu apoiu finanseira ne’ebé atribui ba kombantente veteranu libertasaun nasionál ida-idak, ne’ebé dezmobilizadu husi luta, durante tinan 15 to’o tinan 19, ba abitasaun nian, ne’ebé aprezenta husi Ministru Asuntus Kombatentes Libertasaun Nasionál, Júlio Sarmento da Costa “ Meta Mali”.

Projetu Dekretu-Lei ne’e fiksa apoiu finanseiru ho valór dolar amerikanu rihun 40, ne’ebé sei atribui ba kombatente veteranu libertasaun nasionál, ne’ebé dezmobilizadu husi luta durante tinan 15 to’o 19, seidauk iha uma ne’ebé dignu no adekuadu, no daudaun ne’e halo hela ninia uma rasik, maibé seidauk remata, ka ne’ebé iha ona uma ne’ebé digna no adekuada.

….

Aprezenta mós husi Ministru Asuntus Kombatentes Libertasaun Nasionál, aprova ona projetu Dekretu Governu rua ba:

Aprovasaun norma sira kona-ba organizasaun no funsionamentu Sekretariadu Fundu Kombatente Libertasaun Nasionál. Sekretariadu ne’e iha misaun atu fó apoiu administrativu ba Konsellu Administrasaun Fundu Kombatente Libertasaun Nasionál hodi halo sira-nia kompetensia ida-idak. Sekretariadu ne’e kompostu husi funsionáriu, ajente ka traballadór administrasaun públika nian ne’ebé hala’o servisu iha Gabinete Primeiru-Ministru, Ministru Finansas no Ministériu Asuntus Kombatentes Libertasaun Nasionál. Ninia membru sira sei hala’o funsaun ida-idak iha rejime tempu parsiál no sei laiha direitu ba kualkér akrésimu remunerasaun, suplementu remunerartóriu ka regalia.
Aprovasaun ba valór seña prezensa atu selu ba membru sira Komité Investimentu Fundu Kombatentes ba Libertasaun Nasionál nian, ba sorumutuk ida-idak órgaun ne’e, iha ne’ebé maka sira sei partisipa. Nune’e, membru Komité Investimentu sira sei hetan direitu atu simu seña presenza ida, ho valór dolar amerikanu rihun ida, husi kada sorumutuk órgaun ne’e, iha ne’ebé maka sira sei partisipa. Komité Investimentu nian bele hala’o de’it sorumutuk kada fulan dala ida. Komité Investimentu nu’udar órgaun konsulta, apoiu no partisipasaun ba definisaun polítika investimentu nian ba Fundu Kombatentes Libertasaun Nasionál no ba deliberasaun Konsellu Administrasaun.
…………

Aprova mós projetu ba Proposta Rezolusaun Parlamentu Nasionál nian ida, ne’ebé aprezenta husi Ministra Negósius Estranjeirus no Koopersaun, Adaljiza Albertina Xavier Reis Magno, ba aprovasaun akordu entre Governu Komunidade Austrália no Governu Repúblika Demokrátika Timor-Leste, kona-ba kooperasaun iha área defeza no ba estatutu Forsa Vizitante nian sira.

Akordu ida-ne’e sei permite atu hametin kooperasaun entre país rua-ne’e iha área defeza no seguransa nian, liuliu iha área marítima, hodi fó-hanoin kona-ba ita-nia fronteira no zona marítima ne’ebé besik-malu.

Sei permite mós atu reforsa operasaun konjunta, ezersísiu no formasaun sira, nune’e mós, asaun asisténsia umanitária nian no apoiu ba katástrofe sira.

Tuir akordu ida-ne’e, militár timoroan iha operasaun no asaun sira husi formasaun iha Austrália sei bele hetan protesaun, responsabilidade no priviléjiu ne’ebé hanesan ho militár australianu sira nian ne’ebé hetan iha Timor-Leste.

…..

Konsellu Ministrus, tuir projetu sira ne’ebé aprezenta husi Ministru Obras Públikas, Abel Pires da Silva, delibera no aprova ona, entre projetu sira ne’ebé liu ona husi Kámara Kontas nian, tuir lei:

alterasaun ba kontratu ne’ebé selebra ho kompañia Sinoitech Engineering Consults, hodi halo serbisu konsultoria ba supervizaun obra públika sira ne’ebé liga ba konstrusaun estrada entre Manatutu – Natarbora no Laklubar, ho valór dolar amerikanu millaun 6,1;
no

alterasaun ba kontratu ne’ebé selebra ho kompañia Katahira Engineers International, liuhusi selebrasaun adenda n. 1, no ne’ebé refere ba “variations orders” n. 1 to’o 6, hodi konsidera kustu totál reál operasaun aprovizionamentu nian, ne’ebé sei muda ba valór dolar amerikanu millaun 9,4.
….

Ikusliu, Ministru Finansas, Rui Augusto Gomes, aprezenta projetu Dekretu-Lei ne’ebé aprova husi Konsellu Ministrus kona-ba pagamentu estraordináriu husi saláriu adisionál fulan ida nian ba funsionáriu, ajente kontratadu sira Administrasaun Públika nian, ba titulár kargu públiku, membru F-FDTL, PNTL, no Sistema Nasionál Intelijente no ba eis titulár no eis-membru órgaun soberania sira. Funsionáriu kontratadu estranjeiru sira laiha direitu ba pagamentu estraordináriu ne’e. ????????????????????????