‘Nia ne’ebe la konhese sala halo Nia sai sala tanba ita, atu iha Nia ita hetan loos husi Maromak.’ 2 Korinto 5:21
Jesus bolu Diabu nu’udar bosok-teen no bosok-teen nia aman. (João 8: 44) Maski nune’e fasil tebes atu monu ba lasu atu rona lian passadu ne’ebe atu kastigu ita, tamba buat tuan ninian mosu fila fali iha ita nia hanoin. Inimigu nia akuzasaun sira bele uza ita nia kanek passadu nian, hodi halo ita subar an husi Maromak: O la diak. O la halo orasaun ne’ebé sufisiente. Ema ida sei la hadomi o se sira hatene o lolos. Buat ne’ebé o halo ona mak buat ne’ebé labele atu hetan perdua. O sei nunka simu Maromak nia bénsaun.” Nee mak lia-bosok ida ne’ebe diabu lori hodi akuza ita. Keta husik Ita-nia sala sira iha tempu uluk define Ita-nia relasaun ho Maromak.
Paulo hatete: ‘Hau la halo buat di’ak ne’ebé ha’u hakarak halo… Hau halo buat-aat ne’ebé ha’u lakohi halo.’ (Roma 7:19) Hanesan Paulo, rekoñese katak Ita-Boot halo ona sala maibé keta mout iha sentimentu culpadu nian. Arrepende an ba sala ne’ebé ó halo ona no arrepende an husi fiar ba inimigu nia lia-bosok. Husu ba Jesus atu fó kbiit ba Ita-nia liafuan sira, no depois de ida ne’e hakat ba loron foun. No mos ita hatene katak, ita labele troka passadu. Maibe Jesus mak fó oportunidade ba imi atu troka futuru. Se Ita-Boot sira sei hanoin hela, ‘Hau la iha futuru. Hau nia moris estraga dalabarak ona, ida ne’e inimigu, la’ós Maromak.
Maromak hatete katak ó-nia akuzadór hetan kastigu. (Apokalipse 12:10) Entaun hamriik metin, no fó-hanoin ba nia katak ‘Nia ne’ebe la konhese sala halo Nia sai sala tanba ita, atu iha Nia ita hetan loos husi Maromak.’ Hanesan ita hotu, karik imi halo ona sala ne’ebe sei razoável (wajar). Maibe hanoin-hetan katak Maromak haree imi iha Kristu, nune’e imi sai kompletu, hetan loos no simu ona. Ho kriteriu, imi hanesa servisu ne’ebe lao hela- no Maromak sei la deziste ba imi!
Aihan Espiritual: Jos 11-13, Joao 16:19-33, Salmo 147:1-11, Pro 29: 1-5.