‘Maibee ema moris loos nia abut sei la namlele.’ Proverbios 12: 3
Imi tenke haburas abut espirituál ne’ebé kle’an. ‘Bensaun ba ema nebee fiar ba Nai, nebee tau esperansa iha Nai! Nia sei hanesan ai nebee kuda besik bee ninin, nia abut sira sei dolar ba mota ninin, nia sei la senti loron manas nebee mai, ninia tahan sei matak nafatin, nia la hanoin barak iha tinan nebee iha bailoron naruk, no nia sei la para atu foo fuan.’ (Jeremias 17: 7-8) Eskritura ne’e fó razaun ida ba imi tanbasá mak imi presiza abut espirituál ne’ebé kle’an: atu halo ida-ne’e liuhusi tempu susar – tempu manas no rai maran.
Salomao dehan: ‘Ema ida la bele estabelese aan liu hosi hahalok aat, maibee ema moris loos nia abut sei la namlele.’ (Proverbios 12: 3) Bainhira tempu susar ruma kona ita-nia moris, iha ne’eba ita sei buras: ba Maromak nia kbiit ka ita rasik deit.
Kuandu Biblia ko’alia kona-ba ‘manas’, ne’e ko’alia kona-ba presaun moris nian. Bainhira ko’alia kona-ba ‘rai maran’, ko’alia kona-ba tempu krize no falta. Resposta mak saida? Bainhira abut ida tama kle’an iha bee laran.” Rezultadu saida deit? Sira nunka para atu fó fuan.”
Tanba ai mean boot nia abut iha California Norte Amerika, bele aguenta bainhira akontese insendiu boot iha ai laran. Se imi sukat ai-huun boot nia huun sira, entaun ai-huun sira-ne’e sei to’o kilómetru atus ba atus. Tan ne’e mak sira metin no estavel iha laloran moris nian. Paulo hakerek nunee: ‘Hau halo orasaun katak tuir Ninia glória nia riku-soin Nia bele haforsa imi ho kbiit liu hosi Espíritu iha imi nia laran, atu nunee Kristu bele hela iha imi nia fuan laran liu hosi fiar. Hau halo orasaun katak imi bele tuba rai metin iha domin, no katak imi bele kompriende hamutuk ho santu sira hotu oinsaa mak domin nee luan, naruk, klean no aas, no atu hatene Kristu nia domin nebee boot liu matenek hotu, hodi imi bele sai nakonu ho Maromak nia laran nakonu.’ (Efeso 3: 16-19)
Aihan Espiritual: Isaias 2-3, Lukas 1: 5-10, Salmo 90: 1-6, Proverbiu 1: 3-4