‘Tanba sempre iha ema nebee halo uma ida-idak, maibee Nia nebee halo buat hotu mak Maromak.’ Ebreu 3:4
Imajina to’ok kona-ba ema nia ruin ne’ebé evolui ho kuak no enkaixa iha fatin ne’ebe loos. Tuirmai, hanesan Ray Comfort hakerek, dalaruma mosu kakutak, ne’ebé liga ba matan rua, tilun rua, inus ida, kulit, raan, nervo (saraf), ibun, nehan, nanál, glândula no kabén papilas gustativa, ne’ebé liga ba kakorok no isin ida ho laran, isin-lolon, rins, pulmaun, ba ema hotu nia laran ho sistema reprodutivu ne’ebé kompleksu no komplementá malu – no buat ne’ebé hanesan akontese iha reinu animál hotu-hotu.
ateista sira dehan katak buat ruma bele hamosu husi buat ida-ne’ebé la iha, no tanba tempu ne’ebé sufisiente, sistema kompleksu sira bele harii tuir oportunidade liuhusi dezenvolvimentu ne’ebé akontese iha kazu ruma, ne’ebé la’ós akontese. Nee la iha signifikasaun. Biblia hatete: ‘Ema ida harii uma ida-idak, maibé Maromak mak harii buat hotu.’
Se mane primeiru ne’ebé la’o iha fulan hetan kalen Coca-Cola, seraque ita bele hanoin katak kalen ne’e evolui ona durante tinan rihun barak? Seraque kalen ne’e halo hodi tau iha ne’eba ona no tanba ne’e karik iha ona ema ruma uluk fulan? Hanoin kona-ba oinsá mak simplesidade husi Coca-Cola bele kompara ho ita. Seraque ema sientista boot sira, fiar katak Maromak la kria mundu nee? Resposta mak, lae! Albert Einstein, sientista ne’ebé boot liu iha mundu hatete: ” Ema ne’ebé kle’an liu tama ba segredu naturál nian, ema ne’e nia respeitu sai bo’ot ba Maromak.” No Isaac Newton hatete: ” Sistema ne’ebé furak liu iha loro-matan, planeta no kometa sira ne’ebe furak liu, bele la’o tuir de’it konsellu no domina husi Maromak ne’ebé matenek no kbiit-nain ida.”
Sim, Maromak ne’e eziste dunik, no loron ida imi sei hamriik iha Ninia oin. Ita prontu ona ba ida nee? Se ita fiar, tau ita nia fiar iha Kristu agora kedas.
Aihan Espiritual: Isaias 26-29, Lukas 2: 1-7, Salmo 46, Amsal 1: 32-33