‘Tanba dezde Nia kria mundu, ema bele kompriende buat sira nee liu hosi buat nebee Nia halo ona. Nunee ema la iha razaun atu la fiar.’ Roma 1:20
Liafuan tuan ida dehan hanesan ne’e: La iha ema ida mak matan-delek liu fali duke ema sira ne’ebé lakohi atu hare! Richard Dawkins, ateista ida-ne’ebé famozu, hatete katak, se ita hasoru ema ne’ebé dehan katak la fiar evolusaun, ema ne’e interese, beik ka bulak ida. Maibe lia-loos mak, sientista sira ne’ebé iha hanoin boot liu husi tempu uluk – ema matenek sira ne’ebé harii no dezenvolve disiplina xave siénsia nian – mak kriasionsitas Porezemplu:
(1) Fízika: Newton, Farday, Maxwell, Kelvin.
(2) Quimika: boyle, Dalton, Pascal, Ramsay.
(3) Biolojia: Ray, Pasteur, Mendel, Linnaeus.
(4) Jeolojia: Steno, Woodward, Brewster, Agassiz.
(5) Astronomia: Kepler, Galileo, Herschel, Maunder.
Seraque mane sira-ne’e lahatene buat ida beik ka bulak? Isaac Newton konsege deskobre kompozisaun naroman nian, halo lei sira kona-ba movimentu, inventa kalkulasaun sira, kalkula velisidade lian nian, no define gravitasaun universál sira – maibé fiar katak ita-nia universu bele la’o tuir de’it konsellu no poder husi Ida ne’ebé matenek no kbiit-nain ida.
Iha tinan 2007 nia peskiza ida husi revista Newsweek, 78% husi sira nia survey ligadu ho kriasaun Maromak nian, no 13% de’it mak fiar katak evolusaun naturalizmu. Keta sai ta’uk husi ema la’ós fiar-na’in sira. Ita tenki kontra ida ne’e! Biblia dehan: ‘Tanba Maromak nia laran hirus mosu mai hosi lalehan hasoru ema nia hahalok nebee la hamtauk no la loos. Tanba liu hosi hahalok la loos ema hanehan lia loos. Tanba buat nebee ema bele hatene kona ba Maromak, ema bele hatene mo-moos deit, tanba Maromak hatudu ona buat sira nee ba ema. Tanba maski ema la haree ho matan buat nebee Maromak nian, katak Ninia kbiit rohan laek no Ninia karakter nudar Maromak, sira sei bele hatene mo-moos. Tanba dezde Nia kria mundu, ema bele kompriende buat sira nee liu hosi buat nebee Nia halo ona. Nunee ema la iha razaun atu la fiar.’ (Roma 1: 18:20) Sim, Maromak ne’e iha dunik – No Nia hakarak imi konhese Nia ho klean.
Aihan Espiritual: Isaias 30-33, Lukas 2: 8-20, Salmo 71: 1-16, Prov 2: 1-2