‘Maibee ami sei foo sai ba jerasaun nebee tuir mai buat furak hosi NAI, no Ninia podér no Ninia milagre sira nebee Nia halao ona. ‘ Salmo 78: 4
Heransa, di’ak ka aat, mak buat ne’ebé ema ida entrega ba ema seluk. Karik iha tempu ne’ebá Maromak kura ona imi-nia moras no imi haluha ida ne’e, maibé saida mak imi husik hanesan heransa? Liafuan foer ne’ebé Ita ko’alia karik bazeia ba buat ne’ebé akontese iha tempu passadu, maibé agora Ita haree buat sira-ne’e ho klaru liu. Diak tebes bainhira ita nia odio nakfila ba perdaun – maibé ita husik ona kanek ne’ebé seidauk hetan kura?
Tiago hakerek: ‘Nee duni, hau nia maun-alin doben sira, mai ita hotu lalais atu rona, neineik atu koalia no neineik atu sai hirus.Tanba ema nia laran hirus la hatudu hahalok loos Maromak nian. (Tiago 1: 19-20) Ita-nia liafuan bele lori estraga rohan laek. Paulo hakerek: ‘Haree di-diak katak la iha ema ida nebee la konsege hetan Maromak nia grasa. Keta husik “abut moruk” atu dikin mai hodi kria problema no halo ema barak sai foer.’ (Ebreu 12: 15) Seraque Ita kuda ona fini ne’ebé hamosu abut moruk iha ema nia laran? Se karik nune’e, imi tenke buka rezolve ida ne’e no buka perdaun ho sira ne’ebe hetan kanek. Klaru ida ne’e hakraik ita, maibé imi sei la sente loos ba Maromak to’o imi iha relasaun loos ho sira ne’ebé Nia hadomi.
Jesus hatete: ‘Nee duni, se o lori dadaun o nia oferta ba altár, no iha nebaa o hanoin hetan katak o nia maluk iha buat ruma nebee hasoru o, husik lai o nia oferta iha altár nia oin, no baa halo dame uluk ho o nia maluk, depois mai no oferese o nia oferta.’ (Mateus 5:23-24)
Dr Dale Turner hakerek: ‘Rekonhese ita nia sala no ita nia erro mak forma aas liu husi ita nia dignidade… Sala ne’e hanesan erro ida iha julgamentu, maibé hodi halo tuir ba sala ne’e bainhira deskobre ona, hatudu fraku iha karakter.’
Aihan Espiritual: Isaias 38-41, Lukas 2: 34-40, Salmo 74: 1-11, Pro 2: 6