‘Halo tuir ema ne’ebé iha fiar fraku, no la iha problema.’ Roma 14: 1
Bainhira ema ruma halo ó laran-nakali ka halo tristi o, Maromak hein katak ó sei hatudu laran-di’ak ba sira duke julga ba sira. Biblia dehan: ‘Maun-alin sira, se sala saida deit hadau ema ida, diak liu imi nebee espirituál lori nia fila fali ba dalan loos ho espíritu maus. Maibee kuidadu aan katak imi mos la hetan tentasaun.’ (Galasia 6: 1) O hatete: Oinsa se hau hetan koko? Bainhira ita koko atu julga ema seluk no dehan katak hau ‘moris santu liu o’. ida ne’e resposta ne’ebé sala.
‘Simu ema nebee iha fiar nebee fraku, maibee keta diskuti malu kona ba buat nebee imi hanoin.’ Duke kritika sira-nia sala, imi tenke ajuda hametin sira-nia fiar. Bainhira imi hahu julga ema seluk iha momentu hanesan ne’e mak imi loke imi nia an ba satanas atu ataka imi nia frakeza.
Karik ita nia reasaun mak, ‘Hau dehan ona too’, ka ‘Hau hatene tiha ona buat ne’e sei akontese hanesan ne’e,’ ka ita dehan hmm ‘Merese,’ ka ita dehan ‘Beikten loos?’ Jesus la halo nunee! Ninia reasaun ba feto ne’ebé komete adulteriu nakonu ho laran-sadi’a no sensibilidade. Nia defende feto ne’e iha públiku, no Nia hadia feto ne’e privadu. Jesus laran-di’ak, la’ós julga. Tanbasa mak imi tenke hakas an atu la julga? Tanba ne’e mak maneira ne’ebé Kristu halo ba imi.
Entaun, simu malu hanesan Kristu simu ona imi, atu nune’e sira bele fó hahi’i ba Maromak. (Roma 15: 7) No se Maromak tahan hasoru imi-nia fraku no la konsisténsia sira, imi bele aprende oinsá atu tahan hasoru ema seluk nia fraku sira loos ga lae?. Bainhira imi koko atu julga ema seluk, para no hanoin-hetan buat barak ne’ebé Maromak halo hodi fó perdua ba imi. Bainhira imi rekoñese liután Maromak nia laran-di’ak ba imi, imi sei hatudu laran-di’ak liután ba ema seluk.
Aihan Espiritual: Isaias 45-48, Lukas 3: 1-10, Salmo 79, Pro 2: 9-10