‘Ema nebee lakohi simu hanorin sei sai kiak no moe, maibee nia nebee simu disiplina sei hetan onra. Proverbios 13:18
Bainhira ema ruma korrije imi, sai ema ne’ebe bele simu korrije laos ema ne’ebe susar para ema atu besik. ‘Nee duni, hau nia maun-alin doben sira, mai ita hotu lalais atu rona, neineik atu koalia no neineik atu sai hirus.’ (Tiago 1: 19) Se ita halo buat rua primeiru, ida terseiru sei monu duni.
Ema ne’ebé simu korrije nia ulun hetan onra. Entaun, uza ó-nia tilun liu fali ó-nia ibun, no prontu atu simu korrije. Ema ne’ebé matenek liu iha hahalok hanorin ha’u no prontu atu aprende husi ema seluk. Ita bele aprende husi ema ruma, se Ita hatene de’it pergunta ne’ebé loos atu husu. Importante katak imi nunka para atu husu pergunta, tanba bainhira imi aprende iha imi-nia moris, imi aprovadu ona! Sai personalidade ne’ebe bele simu hanorin.
Laen sira, Ita bele aprende husi Ita-nia feen, ka idea sai hanesan ameasa ba Ita? Bainhira nia hato’o sujestaun ruma, ita buka atu defende an ka ita-boot sira haree komentáriu hotu nu’udar ameasa ba ita-boot sira-nia idade? Feen sira, Ita bele aprende husi Ita-nia la’en ka? Inan-aman sira, Ita bele aprende husi Ita-nia oan ka? Se imi hakarak atu sai mesak iha imi-nia moris, entaun husik ba keta rekoñese imi-nia sala, keta aprende husi ema ida, no keta husik ema ida hanorin imi buat ida. Tempu hira ona mak imi rekoñese imi nia sala ba imi nia parseiru, no dehan ‘amor deskulpa ida ne’e hau nia sala. Ema balu la koalia hanesan ne’e tinan barak nia laran.
Biblia hatete: ‘Tanba nee soe tiha buat hotu nebee foer no hahalok aat makaas, no simu liafuan ho laran maus nebee Nia kuda iha imi nia laran hodi salva imi nia moris.’ (Tiago 1: 21) Bainhira Ita hakbesik ba Maromak nia Liafuan, Ita tenke hakbesik ba Liafuan ne’e ho hahalok ne’ebé laran-maus ka haraik-an, hodi dehan: Nai, ha’u prontu atu hetan hanorin.
Aihan Espiritual: Isaias 53-57, Lukas 3: 21-28, Salmo 84, Amsal 2: 16-19