‘Maibee se nia hakiduk ba, Hau nia klamar sei la kontenti ho nia.’ Ebreu 10:38
Labarik ki’ik ida iha eskola Dominikal rona istória kona-ba oinsá Lot nia feen hateke fila fali ba Sodoma no to’o ikus sai riin masin. (haree Jenesis 19:26). Ne’e seidauk buat ida,” nia dehan. Semana kotuk bainhira ha’u-nia inan halai kareta iha strada, nia hateke ba kotuk – sai tia riin eletrisidade!
Loos duni, Maromak hatete: ‘Se ema ruma fila kotuk, ha’u-nia moris la kontente ho nia.’ Pilotu hotu hatene kona ba ‘Point of No return’ ne’e katak aviaun hotu ne’ebe semo ona labele fila fali ba Aeroportu. Iha Ebreu 11 ita hetan lista ida kona-ba ema baibain ne’ebé iha tempu ne’ebé aat liu lakohi fila fali. Biblia dehan: ‘Se karik sira hanoin nafatin rai nebee sira husik ona, sira bele hetan oportunidade atu fila fali ba rai nee. Maibee sira buka rai nebee diak liu tan, nebee rai lalehan nian. Nunee Maromak la moe bainhira ema bolu Nia nudar sira nia Maromak, tanba Nia prepara ona sidade ida ba sira.’ (Ebreu 11: 15 – 16)
Tuirmai nee: Se imi komesa la’o hamutuk ho Maromak, Satanas sei uza maneira hotu iha atu imi lao sees dalan. Se imi la’o ho Maromak iha dalan klaran ona, diabu sei koko atu fó-hatene imi katak imi-nia moris laiha valor. No sei imi lao atu besik to’o rohan ho Maromak, diabu sei koko halo imi laran taridu hodi akuza imi ho imi nia sala sira. Keta fiar nia; nia bosok-teen! Keta hola buat ne’ebé diabu fa’an!
Diak liu ita sadere ba versikulu Biblia ne’e: ‘Tanba nee mak hau hetan terus hela. Maibee hau la moe, tanba hau hatene Nia nebee hau fiar, no hau hatene metin katak Nia bele proteje buat nebee Nia foo ona mai hau too Loron nee.’ (2 Timoteo 1: 12)
Aihan Espiritual: Ekleziastes 1-4, Lucas 4:31-44, Sal 89:38-52, Pro 3:1-2.