‘Hau bele haforsa imi ho hau nia ibun.’ Job 16:5
Maski operasaun ne’e susesu ona, pasiente sei senti moras nafatin tanba fitar kanek ne’ebe iha isin kauza nafatin moras no dezkonfortu ne’ebe ho tempu naruk. No hanesan mós ho moris. Ema balu hale’u imi uza máskara susesu nian, maibé iha laran, sira lori hela kanek ne’ebe sira la koalia sai.
Komediante Jonathan Winters hatete iha entrevista ida katak nia moris ki’ik uluk aat liu ne’ebé nia inan-aman sempre koalia ba nia bainhira nia sei labarik. ‘Hau laos labarik ne’ebe manya, maibé ha’u hanoin-hetan buat hotu—iha sentimentu moras ne’ebe barak.’ Ninia aman hatete ba nia: ‘O mak labarik ne’ebé beikten liu hotu ne’ebé ha’u hatene.’ No bainhira nia ba iha Pasifiku Sul durante Funu Mundial Segundu, nia la simu apoiu husi ninia inan. Bainhira nia fila fali ba uma, nia deskobre katak nia inan fahe hotu ona ninia sasán espesiál sira, sasán pesoál sira ne’ebé nia rai iha nia fatin. Nia sente laran-susar, maibé nia inan nia reasaun: Oinsa mak ami hatene ó sei moris? Winters kontinua sai hanesan entertainór no komediante ida-ne’ebé popular liu iha mundu, maibé ninia fitar kanek no emosional nafatin iha.
Komprende ida-ne’e – Ita-nia liafuan bele hakanek ou kura. Ita nia liafuan sira bele fó inspirasaun ba ema ruma ka reforsa sira-nia sentimentu fallansu no la iha folin. Job, ne’ebé hetan terus boot liu fali ita-nia ema barak, sei hatene nanis: ‘Hau bele haforsa imi ho hau nia ibun, no hau nia ibun tutun bele foo kamaan ba imi.’ (Job 16:5) Oinsa mak ita bele ajuda ema ne’ebé hetan kanek? Hodi fó imi-nia hanoin ba sira? Lae, hodi fó ba sira hanoin ne’ebé mesak de’it mak Maromak nia! No Maromak dehan nunee: ‘Hau hadomi o ho domin nebee rohan laek. nunee Hau dada o ho Hau nia laran diak.’ (Jeremias 31: 3)
Aihan Espiritual: Gen 10-12, Lucas 6:27-36, Sal 107:1-9, Pro 3:13-18