‘Nunee hosi ohin ba oin, ami la haree ema ida tuir hanoin isin nian.’ 2 Korinto 5:16
Paulo hakerek: ‘Nunee hosi ohin ba oin, ami la haree ema ida tuir hanoin isin nian. Maski uluk ami haree Kristu tuir hanoin isin nian, maibee ami la haree tan Nia hanesan nee. Nee duni, se ema ida hela iha Kristu, nia mak kriasaun foun ida. Buat tuan sira liu tiha ona. Tebes, buat hotu sai foun ona.’ (2 Korinto 5:16) Bainhira ita koko atu ajuda ema fiar-na’in ida-ne’ebé luta hasoru susar ruma, dependénsia, ka terus fiziku, ko’alia liafuan moris ba sira-nia espíritu. Maromak nia liafuan dehan: ‘Fiar mai husi rona, no rona Maromak nia liafuan.’ (Romaun 10:17)
Oinsa mak fiar mosu? Hodi rona buat ne’ebé Maromak hanoin, dehan, no halo. Maromak haruka Ezekiel atu hamriik iha foho-leet ne’ebé nakonu ho ruin mate no dehan: ‘Nai Maromak hatete nunee ba mate ruin sira: Tebes, Hau sei halo iisa tama ba imi, no imi sei moris fali.’ (Ezekiel 37:5) No hanoin to’ok saida? Nee akontese duni! Ezekiel dehan: ‘Entaun hau foo sai profesia tuir orden nebee hau hetan. No bainhira hau profesia hela, lian mosu mai, no tebes, rai nakdoko, no mate ruin sira nee tutan hamutuk, ruin kona ninia ruin.’ (Ezekiel 37: 7)
Agora ita sei hatene ho klaru katak ita labele kaer metin ba ema ne’ebé ita hadomi bainhira Maromak ho ninia matenek ne’ebé soberanu deside katak tempu mak atu lori sira ba lalehan, ne’ebé Paulo deskreve ‘dook diak liu.’ (Filipe 1:23) Maibe to’o ne’e mosu, ko’alia Maromak nia Liafuan ba sira-nia espíritu ne’ebé hetan ona moris-hias. Fiar la nega realidade husi sirkunstánsia sira-nee, maibé lakohi hetan intimidasaun, limitasaun ka ukun husi sirkunstánsia sira-nee. ‘Maibee ema naturál la simu buat sira nebee mai hosi Maromak nia Espíritu.’ (1 Korintu 2:14) Entaun, kuandu ema ida ne’ebe sai Maromak nia oan ona, ne’ebe hetan ona salvasaun, keta ko’alia ba sira-liafuan matenek ema nian, maibé ko’alia liafuan ne’ebe hamoris sira-nia espíritu.
Aihan Espiritual: Filipe 2:1-13, Exodo 14:5-31